LARREPETIT

Kexatiak gara

Jaume Gelabert -

2020ko irailak 17

Ez dut uste sutan jartzen den bakarra naizenik norbaitek eskatu gabeko adierazpen alua eskaintzen digunean lantokian. Iraila hil oparoa izaten da arlo horri dagokionez. Horrelako egoeretan, nire izaera mediterraneoa ezagututa, berehala ez erantzuten saiatzen naiz, pentsatzen baitut hobe dela tenperatura jaisten uztea eta esandakoaren alderdi guziak ongi aztertzea. Ondorioa: kakati samarra naizenez gero, erantzuna «esan behar nituen gauzak» saileko tiraderan betiko geratu ohi da. Berriki aditu dut laneko norbait haserre dela, bere ustez lankideok kexati hutsak garelako, eta kexatu beharrean proposamenak egin beharko genituzkeela pentsatzen du. Orain, beroaldia apaldu denean, hobeki ulertzen dut pertsona horren haserrea —eta kexa?—. Kexatiak ote gara? Bai, noski, kexati baldin bada maiz kexatzen dena. Alde horretatik arrazoia eman behar diot lankideari. Baina bere enuntziatuaren bigarren zatiak ez nau erabat ase. Guk proposamenak egiten ditugu, zerrenda luzea dugu, eta hortik dator gure kexa, inork ez baitigu inoiz kasurik egiten. Dezente haserre gaude.

Ulermen mailako akats bera erakutsi du Urkulluk hezkuntzako grebaren gaineko balorazioa egin duenean. «Deialdiak tentsioa eta segurtasunik eza ekarri ditu» adierazpen nire ustez akastuna egin du. Berriz ere irakasleak kexati eta, gainera, arduragabe. Ai, ergatiboa! Nork eta zer nahasi ditu lehendakariak, edo bat-bateko itzultzaileak. «Tentsioak eta segurtasunik ezak deialdia ekarri dute». Ez da egoera hobeki ulertzen horrela adierazita?

Arlo askotara eraman daiteke agintarien adierazpenen zuzenketa. Kexatiak ote dira, esaterako, urtetan Zaballako presondegiko baldintzen egoera salatu dutenak? Gezurra badirudi ere, oraindik ohartarazi behar zaie arduradunei espetxeko biztanleak ere pertsonak direla. Kexen tiradera ongi betea dago.

Iraila oparoa da, baina, achtung!: aurten ere, irailaren ondotik urria ekarriko digu.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Iñigo Urkullu omenaldian ©Eusko Jaurlaritza

Koronabirusaren biktimak omendu dituzte Gasteizen

Uxue Rey Gorraiz

Iñigo Urkullu lehendakariak gidatu du ekitaldia. Pandemiarengatik hildakoak gogoratu ditu, eta elkartasuna adierazi die familiei. «Elkarrizketa soziala» bultzatu dadin galdegin du, bizikidetza sozialaren berreraikuntzarako.

Zestoa, artxiboko irudi batean. ©Gorka Rubio / Foku

Eraikin publikoak eta tabernak itxi dituzte Zestoan

Berria

28 kasu baieztatu dituzte azken egunetan, eta neurri murriztaileak hartu dituzte agerraldiari aurre egiteko asmoz. Datozen egunetan egoera «kontrolatzea» espero dute.

PCR proba bat, Gurutzetako ospitalean. ©Luis Jauregialtzo, FOKU

Gero eta gaixo gehiago daude ZIUetan

Uxue Rey Gorraiz

Beste 387 kasu atzeman dituzten Bizkaian, Gipuzkoan eta Araban. 57 gaixo daude ZIUetan hiru lurralde horietan.

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

COVID-19ak Euskal Herrian duen eragina azaltzen du grafiko eta mapa interaktibo sorta honek. Izurriaren une larrienak martxoan eta apirilean gertatu ziren. Maiatzean eta ekainean apalduz joan zen gaitzaren hedapena, baina udan berriro hasi dira ugaritzen positiboak, ospitaleratzeak eta agerraldiak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna