LARREPETIT

Sekula halakorik

Samara Velte -

2019ko abenduak 20

Inori errua kentzeko asmorik gabe, ez didazue ukatuko grazia egiten duela De Miguel auzia-ren harira eskandalizatutako gizartearen erreakzioak: dozena erdi bat seme-alaba munduratu ostean, alu baten aipamenarekin eskuak burura eramaten dituen adineko jendea gogorarazten du. Nola daiteke. Sekula halakorik. Nik ez dakit zer den hori.

Osakidetzako oposaketen auzian ere, handia izan zen eskandalua pantailen bestaldean. Telebista publikoak Frantzia pasealekutik Federico Garcia Lorca kaleraino kontsultatutako aditu gehienak ados zeuden: «Nola liteke ustez publikoa eta garbia den lehiaketa batean preferentziak eta lehentasunak egotea, aldez aurretik gauza jakina izateraino nork aterako duen plaza eta nork ez?». Nola liteke. Aski zatekeen edozein ospitale publikotako langileren batekin konfiantza apur bat lortzea —aukeran, anestesistak dira horretarako adiskide onenak—, hark sorbaldak jasoz argi zezan: «A, bai, baina hori horrela egiten zen beti. Plazak banatzeko modua zen». Arkitekto batek, obrak esleitzerakoan, maiz jokoan sartzen diren gutunazalei buruz galdetuta, erantzungo lizukeen keinu berbera litzateke.

Boterea dutenek euren gustuko jendeari egiten diote mesede. Ene bada. Nola liteke. Sekula halakorik.

Bizi garen sistemari zintzotasun apur batekin begiratuko bagenio, onartuko genuke ustelkeria ez direla soilik kontu ofizialetatik at deklaratu gabe geratzen diren sosak. Ustelkeria da, besteak beste, gure herriko proiektu garrantzitsuenak eraikitzen dituen enpresako kudeatzailea tokiko agintariaren lagun mina izatea; edo, are, ezkontidea, lehengusua, iloba. Gero beti geratuko da eskuak burura eramateko denbora: enpresa hori beti berbera izatearen arrazoia ez al zen, bada, meritokrazia, eskariaren eta eskaintzaren arteko oreka puntu justua, edo, behinik behin, merkatu librearen araua —nork zer eskainiko prezio lehiakorragoan—? Ezetz dirudi. Preferentziazko kontu bat zen. Ene bada. Sekula halakorik.

Araua ezagutzeko, salbuespena aztertu behar dela idatzi zuen Giorgio Agambenek, eta ziurrenik salbuespena izango da De Miguel auzia: hain normalizatuta egonik, ia ikusezina zaigun sistema klientelista batetik nabarmendu den irristada bat.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Erizain bat, gazte bati txertoa ematen, Brasilen. Umeak txertatzeko ohiko kanpainetan jaitsiera nabaritzen hasi dira aurten ©FERNANDO BIZERRA JR / EFE

COVID-19aren uste ustelak

Mikel P. Ansa

COVID-19aren pandemia ukatzen duten joera batzuek indarra hartu dute uda honetan. Haiek zabaldutako uste batzuk zeinen okerrak diren azaldu dute Miren Basaras eta Guillermo Quindos mikrobiologoek artikulu sorta honetan.

PCR proba bat, Indian. Bigarren herrialde kaltetuena da hura. ©SANJEEV GUPTA / EFE

Milioi bat lagun baino gehiago hil ditu COVID-19ak

Iosu Alberdi

AEBetan erregistratu dute kasu eta heriotza gehien. Euskal Herriak munduko heriotza tasa handienetako bat du: 77 heriotza 100.000 biztanleko.

Konfinamendua ezarri zuten Azkoienen. ©Idoia Zabaleta / Foku

Hegoaldeko kasuen erdiak baino gehiago, Nafarroan

Uxue Rey Gorraiz

Beste 603 positibo zenbatu dituzte Hego Euskal Herrian; Nafarroan atzeman dituzte horietatik 318. Halaber, bi pertsona zendu dira birusaren ondorioz.

Maria Txibite, agerraldi batean. ©Jesus Diges / Efe

Txibitek esan du egoera «kontrolatuta» dagoela Nafarroan

Arantxa Iraola

Positibo «asko» izan arren konfinamendu orokorrik ezartzeko asmorik ez dutela adierazi du

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna