Albistea entzun

LARREPETIT

Arrautzak

Goizalde Landabaso -

2022ko urriak 11

Arratsalde batzuetan osteratxoak egiten ditut hirian barrena. Gustatzen zait ibiltzea, besteak beste, burua argitzen didalako, eta hiriaren mugarrietara ailegatzeko modua ematen didalako. Horietako batzuetan hiriko turismo gune garrantzitsuetatik pasatu ohi naiz. Izugarria da zenbat jende dabilen: argazkiak egiten, bisita gidatuetan, egonean gozatzen... Eta hantxe aurkitu genituen gazte bi, gizonezkoak. Ozta-ozta 20 urte izango zituzten. Irribarretsu zeuden, zoriontsu ere esan liteke. Batek eskuetan arrautzetarako erabiltzen den kartoizko kutxa horietako bat zuen; bestea, aldiz, mela-mela eginda zegoen eta, arrautza eskuetan, irribarretsu hurbiltzen zen jendearengana. Guregana ere etorri zen. «Euro baten truke arrautza bat bota nahi didazue? Ikasketa bidaiarako dirua batzen ari gara eta nahi baduzue arrautza bat salduko dizut bota diezadazuen». Niri atoan etorri zitzaidan aspaldiko kantua: «...gaurko paseoan arrautz bat pinu batean/ txorakeri bat dirudi bainan guztiz egia da...». Ezezkoa esan nion gazteari, baina izan nuen borborka, burutik ezin kendu ibili bainintzen ordu askoan.

Zenbat arrautza bota behar diote norberari ikasketa bidaia bat ordaintzeko, demagun, Erromara edo Saloura? Inflazio garaian patata tortilla egiteko erabili baino batzuek nahiago dute besteek umilia ditzaten, eta gogorrak egin zitzaizkidan gauza biak: batetik, janaria xahutzeko joera ulertezina; eta bestetik, umiliazioarena. Zer izango da hurrengoa? Akordura etorri zitzaizkidan patata tortillak saltzen genituen garaiak, edo beti gorrotatu izan ditudan zozketa paperak, edota kartoiak batu eta birziklatze lantegira eramaten genituenekoak. Gauzak aldatu dira, konpai. Balioak ere aldatu ei dira. Orain birjintasuna ere salgai aurki zenezake sarean, eta beti egongo da erosleren bat, edo arrautza botatzeko gogoa duen edozein.

Pasatzerakoan, bi arrautza kraskaturik zeuden lurrean; ordubeteren ostean, itzulerakoan, berriz, lau.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Arrosarioa
 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Irautea iraultzea denean

Estitxu Garai, Naiara Pinedo eta Zuriñe Rodriguez

Zure ahotsa errazago zapaltzea, moztea. Ostean datorren gizonak zure iritzia gutxiestea. Gizonen maiztasuna handiagoa izatea. Gizonak finkoak izatea, zu aldakorra. Mahaiko emakume bakarra izatea naturalizatzera iristea. Zure hitzei ez entzunarena egitea, beti euren artean elkarri erreferentziak egitea.

Zuretzat bihotzez, Elizabeth Hadley

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.