Noiz sortua: 2019-05-14 00:30:00

LARREPETIT

Keinu bat

Goizalde Landabaso -

2019ko maiatzak 14
Sahararen aldeko manifestazio baten ostean, metroan aurkitu nituen bertako banderarekin zihoazen gazte batzuk. Sahararrak ziren. Hizketan sartu ziren, eta hitz eta pitz ozen eman zuten bidaia. Haserre zetozen, haserre egoteko hamaika arrazoi baitute sahararrek ere. Geltoki berean jaitsi ginen, eta mutiletako bat, bero, garrasika hasi zen geltokian geundenon aurka. «Zuen gobernuak du errua». Nik atoan ulertu nuen esaten ari zena. Euretako batek isiltzeko esan zion, baina mutilak jarraitu zuen oihuka. Iltzatuta geratu zait anekdota hura; ni ere haserretu nintzen. Nik ikusten nuelako bere herria, baina berak, berriz, ez zuelako gurea ikusten. Horrekin gogoratu nintzen lehengoan Damien O'Kane kantaria entzuten ari nintzen bitartean. Derry inguruan jaiotako kantaria da O'Kane. Berarekin bi musikari zeuden, Steven Byrnes irlandarra eta Duncan Lyall eskoziarra. Gureganako sentsibilitate gehiago espero nuen. Batzuetan nahikoa da keinu txiki bat entzulegoa zeure egiteko. U2 taldeak egin zuen Vertigo kantuaren hasieran zenbakiak euskaraz esaterakoan. Egin zuen Bruce Springsteenek «gabon» esanaz kontzertu hasieran, eta egiten dute kanpoko askok. Marketin dei diezaiokezu, baina niretzat errespetua da. Gutxieneko sentsibilitatea, agur, egun on, edo, eskerrik asko esateko. Gugandik, ustez, hurbilago dauden kultura eta herriengandik, hizkuntza gutxitu, edota, estaturik gabeko nazio kumea izatea zer den dakitenengandik bestelakoa itxaroten dut. Damien O'Kane oholtzara atera zen, eta espainieraz gauza gutxi zekizkiela esan zigun. «Gracias» eta «muchas gracias» izan ziren gehien errepikatu zituenak. Harritu ninduen, aitortu behar dut. Kontzertua antolatu zuen inork ez zion esan zelan esan gabon edo eskerrik asko? Inork ez zion azaldu hau ezberdina dela? Girona, Antwerp, Aberdeen edo Derry ezberdinak diren bezala? Ez, antza.

Albiste gehiago

Apirilaren 2an eguneratua, 13:00etan. ©BERRIA

Koronabirusaren azken datuak

Berria

Euskal Herrian 10.022 gaixok eman dute positibo koronabirusaren proba eginda. 555 hil dira. COVID-19 gaitza izandako 2.459 pertsonari eman diete alta. Grafikoak, albiste barruan.

Gizon bat, Zagreben. ©ANTONIO BAT / EFE

Sakelakoen kokapena jasoko du Madrilek

Berria

Telefonica, Orange eta Vodafone konpainiek euren sareak erabiltzen dituzten sakelakoak non dauden kontrolatuko dute, eta informazioa Madrilgo Gobernuari emango diote. Koronabirusaren aurkako borrokan, populazioaren inguruko mugimenduei buruzko datuak biltzea da asmoa, Madrilen arabera, eta gaineratu duenez, ikerketak ez ditu “gizabanakoen mugimenduak atzemango”, baizik eta datu “anonimoak eta multzoka”.

Donostiako ospitaleko langile batzuk, mobilizazio batean ©Jon Urbe (Foku)

Osasuna bermatzen ez duten enpresak, fiskaltzara

Jokin Sagarzazu

LABek langileen kexak igorriko dizkio, zigor instrukzioko prozesuak ireki ditzan eskatzeko. Ohartarazi du oinarrizko zerbitzu batzuetan «kolapso egoeran» daudela. Materiala bermatzeko eskatu dio ELAk EAEko Auzitegi Nagusiari.

Murga, Urkullu eta Beltran de Heredia, diputazio iraunkorrean telematikoki azalpenak ematen. ©/ Irekia

Urkulluk esan du «neurri zorrotzak» hartu dituztela; oposizioak, berriz, «gardentasun falta» salatu du

Irati Urdalleta Lete

Iñigo Urkullu lehendakariak azalpenak eman ditu Eusko Legebiltzarreko diputazio iraunkorreko bilkuran, EH Bilduk hala eskatuta

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna