Albistea entzun

LARREPETIT

Gabilondo joan da

Goizalde Landabaso -

2021eko irailak 28

Gabriel Garcia Marquezek 70eko hamarkadan Radio Habanari emandako elkarrizketa batean ziotsan kazetaritza beren-beregi hautatzen den ogibidea dela. Niri, artean, urte batzuk geratzen zitzaizkidan nagusitan zer izan nahi nuen erabakitzeko. Hiru aukera jarri nituen: kazetaritza, filosofia eta psikologia. Jakin nahi nuen; zergatik guztien erantzunak behar nituen, eta bidean sor zitezkeen besteak ere bai. Kazetaritza ikasi nuen, baina jardunarekin maitemindu nintzen berarekin.

Egungo kazetaritzaren neurria hartzeko egungo gizarteari begiratu behar omen zaio. Batera doaz. Horixe esan zuen bere azken elkarrizketan Iñaki Gabilondok bere etxea izan den Ser irrati katean. Bizkorregi goazen honetan, beraz, zer motatako kazetaritza egin liteke? Zer egiten ari gara? Eta gizarteak / herriak ez badu egiten ari garen kazetaritza behar, zer? Ez naiz ari maitasunaz, ari naiz beharrizanaz. Lankide batek, biziki arduratua, lehengoan ziostan askatasuna galdu dugula kazetaritzan, eta okerrena ez dela airean dagoen zentsura, okerrena norberak bere buruari ezartzen dion zentsura dela.

Gabilondori egindako azken elkarrizketan zenbait gauza interesgarri esan zituen. Batek, Ryszard Kapuscinskik esaten zuen zerbait ekarri zidan gogora: pertsona ona izan behar dela kazetaria. Gabilondo harago zihoan, eta beste inoiz Elena Poniatowskari entzun diodana esan zuen: apala izan behar du kazetariak. Apaltasun horretan sekula ez du ahaztu behar kazetaritza lanean (irratigintza aipatzen zuen berak, baina nik uste dut orokortu litekeela) bestea dela garrantzitsuena. Hor legoke bizi iraupena, hartzaileengan. Eta hain zuzen ere hauxe da batzuetan ahazten duguna, hartzailea.

Erritmo bizia gailendu den honetan, informazioa lerroburuetara mugatu dugun honetan, gutxi kuestionatzen den honetan, kritika apurra mututzen denean; ez da, ez, erraza kazetaritza egitea.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Irizpidea duzulako. Giroan zabiltzalako.

Zuk badakizulako.

Egin BERRIAlaguna