Albistea entzun

LARREPETIT

Enegarrenez, itxaropena

Goizalde Landabaso -

2022ko urriak 18

Filosofia modan dago. Enpresa batzuetan kontratatzen dituzte enpresa horren jardunari zelanbaiteko pentsamendu-logiko jantzi bat emateko, hausnarketarako jardunaldiak eta kafe topaketak antolatzen dira, eta mahai inguruetara gonbidatzen dituzte gure mundua azal diezaguten. Nik ere maite ditut filosofiara emandakoak, eta arkitekturara emandakoak ere bai. Uste dut eraikuntzaren izpiritu hori dela gustatzen zaidana.

Ezin izan nintzen Iruñera joan Peter Sloterdijk (Karlsruhe, 1947) entzuten. Bild Zeitung egunkariak beraz dio «etorkizuna buruan» duela, eta nik etorkizuna oso presente daukat aspaldion. Jendetza ipurterrea baino politikari hobeak behar direla esan zuen Sloterdijkek Iruñeko jardunaldiaren aurkezpenean; politikariaren eta ordezkatzen dituen hiritarraren arteko zubirik ez dagoelako, besteak beste. Kontsolatzeko, sarean irakurri diot elkarrizketa bat, El Pais egunkari espainiarrean egindakoa, eta beragana hurbilduarazi nau ez dela ezkorra jakiteak. Demokraziak itxaropena behar duela dio, eta errealitatearen begietara behatuta eraiki behar dela etorkizuna.

Hau dena irakurri dut Station Eleven telesaila amaitu ostean. Bi aholku eman zizkidaten lagun bik: aipatutako telesaila eta 1905ean Begum Rokeyak idatzitako Sultana's dream (Sutanaren ametsa). Lehenengoarekin bete dut. Liburu batean oinarri, hamar kapituluko modazko distopia horietako bat da, «baina itxaropena ematen duena», agindu zidaten lagunek. Eta bai. 2020an gripe pandemia batek gizadiaren %90 hiltzen du. Gelditzen direnek bizirauten ikasi behar dute, elkarrekin egoten, familia zer den berrasmatzen, babesa eta zaintza aurkitu behar dituzte. Sloterdijk-ek esandakoen oihartzun direla dirudi: lepoan hartu eta segi aurrera. Dena edertzeko joera baztertu eta daukagunarekin eraiki geroa; alegia, filosofia eta arkitektura gehiago eta piromania gutxiago behar dugula (eta ez du Anarirekin zerikusirik).

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Arrosarioa
 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Irautea iraultzea denean

Estitxu Garai, Naiara Pinedo eta Zuriñe Rodriguez

Zure ahotsa errazago zapaltzea, moztea. Ostean datorren gizonak zure iritzia gutxiestea. Gizonen maiztasuna handiagoa izatea. Gizonak finkoak izatea, zu aldakorra. Mahaiko emakume bakarra izatea naturalizatzera iristea. Zure hitzei ez entzunarena egitea, beti euren artean elkarri erreferentziak egitea.

Zuretzat bihotzez, Elizabeth Hadley

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.