Albistea entzun

LARREPETIT

Baleak

Goizalde Landabaso -

2022ko urriak 25

Roberto Carlosek kantu bakarra dauka niretzat, eta animaliak bezala zibilizatua izan nahi lukeela abesten duenean, niri neuri, beti, balea bat etortzen zait gogora; begi aurreetara. Balea hitzak a itsatsia izatea nekeza egiten zait, izan ere, balea bat esatea distortsioa da nire belarrietarako, baina ikasi dut horrela dela eta esan egiten dut: balea bat, balea bi, hiru balea...

Bere existentziaren berri dudanetik jarraitzen ari naiz Balea 52. Noizean behin bilatzen dut, eta badut kontaktu bat mugaz bestalde balea honen ingurukoak aurkitzen dituenean bidaltzen dizkidana. Misteriotsua da balea hau, beste frekuentzia batean kantatzen duelako, 52 hertziotan, eta ez duelako frekuentzia horretan kantatzen duen beste balearik aurkitzen. Asteon nire kontaktuak albiste bat bidali dit: bizirik ei dago balea, eta, diotenez, agian bakardadearena, isolamenduarena, hainbeste maite ditugun giza mito erromantikoa baino ez da. Hots, kantaera ezberdina izan arren badirela zenbait espezie entzun dezaketenak. Ez dago hain bakarrik, ez isolaturik ere. Baleen kantaeren artean ere ba ei dago dialektorik, zelanbait esateko, eta Balea 52 komunika liteke eurekin. Nire bereganako lilura ez da bertan behera geratu, eta ez dut alerta kendu.

Tarte batez pentsatu dut bere migrazio luze horietan, ozeanoen gurutzaketaren batean, ez ote duen euskal balea legez ezaguna den Eubalaena Glacialis batekin topo egin. Gutxi dira gelditzen direnak, 350 inguru munduan. Eraso etengabekoak jaso(tzen) dituzte, indartsuagoak dira besteak, eta existentziari eustea eguneroko abentura da. Zelan eutsi? Zelan ez eman amore etsipenean? Ez, ez da erraza. Galde iezaiezu Funes edo Tuterako euskaldunei. Ez da erraza, baina hala ere nafar euskaldunena erraza da: amaitu zonifikazioa eta euskarari aukerak zabaldu. Baleena, beste kontu bat da. Ai, zonifikazioa suntsitzearekin konponduko balitz.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Arrosarioa
 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Irautea iraultzea denean

Estitxu Garai, Naiara Pinedo eta Zuriñe Rodriguez

Zure ahotsa errazago zapaltzea, moztea. Ostean datorren gizonak zure iritzia gutxiestea. Gizonen maiztasuna handiagoa izatea. Gizonak finkoak izatea, zu aldakorra. Mahaiko emakume bakarra izatea naturalizatzera iristea. Zure hitzei ez entzunarena egitea, beti euren artean elkarri erreferentziak egitea.

Zuretzat bihotzez, Elizabeth Hadley

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...