Noiz sortua: 2019-09-27 00:30:00

LARREPETIT

Gure memoria klimatikoa

Samara Velte -

2019ko irailak 27

Suediako mendi altuena jada ez da Suediako mendi altuena. Kebnekaisek (2.097 m., duela gutxira arte) gailur bana du hegoaldean eta iparraldean; 1888an biak neurtzen hasi zirenetik, lehena izan da garaiena, puntako glaziarrari esker. Izotzezko txapela, ordea, urtuz joan da urtez urte, eta aurten, lehenbiziko aldiz, altuera handiagoa antzeman diote glaziarrik gabeko iparraldeko bikiari.

Berotze globalaren sinbolo izan liteke Kebnekaise. Belaunaldi bakoitzak dauzka bere ikur historikoak, memoria partekatuan mugarri bihurtzen diren gertakari eta irudiak. Gerrek, estatu kolpeek eta manifestazioek gure memoria historiko politikoa osatzen duten moduan, badaukagu, esaterako, memoria historiko energetiko bat ere. 68ko Maiatza, La Moneda eta Bloody Sunday belaunaldi baten mundu ikuskeran arrastoa utzi duten oroitzapen partekatuak diren bezalaxe, Txernobylek ere baldintzatu zituen nuklearrekiko zenbait kontzientzia. Logika berean, pentsa liteke existitzen dela memoria historiko klimatiko bat ere, kontzientzia kolektiboan inprimatuta geratu zaizkigun natur hondamendiek osatzen dutena.

Egunotan protesta egitera ateratzen ari diren gazteei eszeptizismoz begiratu diete belaunaldi helduagoetako batzuek, haien aldarrikapenak aski politikoak, edo sofatik altxarazi dituzten arrazoiak aski larriak ez balira bezala. Kritikoei ahazten zaiena da belaunaldi horrek akaso ez dauzkala bere memoria partekatuan erregistratuta Burgos, Itoitz edo Martxoaren 3a, baina bai Haiti, Katrina, Fukushima, Indonesiako tsunamia eta Amazoniako suteak. Artikoa etxeko pantailan urtzen ikusi dute, eta tokian tokiko eraginak ere nabaritu dituzte; esate baterako, Tafallako uholdeak edo azken uda hauetako bero boladak. 18 edo 20 urteko euren bizialdi laburrean, hondamendi klimatikoen zerrenda luzea pilatu dute, eta horrek ere elkartzen ditu belaunaldi gisara.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Azkeneko 24 orduetan COVID-19 gaitzak ez du inor hil du Euskal Herrian, eta hamasei positibo atzeman dituzte PCR probekin. Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Gazte bat Iruñeko igerileku batera sartzen, joan den astean. ©IDOIA ZABALETA / FOKU

Bi lagun hil dira eta bertze hogei positibo atzeman dituzte Euskal Herrian

Maddi Ane Txoperena Iribarren

Detektatutako azken kasuetatik bosna daude Araban, Bizkaian, Gipuzkoan eta Nafarroan. Baliteke batek lotura izatea Orioko kasuekin

Produktibitatea
Hainbat pertsona Iruñean, maskarak jarrita dituztela. ©IÑIGO URIZ / FOKU

Nafarroan 10.351 pertsonak pairatu dute gaitza, gobernuaren arabera

Igor Susaeta

Hego Euskal Herrian bost pertsonak eman dute positibo PCR proban. Murgarentzat, orain ez dago «transmisio komunitariorako arriskurik»

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna