LARREPETIT

Hitzorduak Eroskin

Samara Velte -

2020ko martxoak 27

Europako komunikabide batzuei kasu egiten bazaie, arrisku publiko berri bat sortu da konfinamendu neurriekin batera: coronaparty deitu dieten hitzordu klandestinoak, axolagabe osasuntsuek egiten dituztenak oraindik neurri orwellianoak hartu ez dituzten tokietan.

Albisteen estiloak berak zuhurtziara gonbidatzen duen arren —histeriazko garaiotan, lehenbiziko pentsamenduak beti joan behar luke komunikabideen uneko produkzio eskasiarantz—, ez gintuzke gehiegi harritu behar: konfinamendua ezarri den moduan ezarrita, denbora kontua baino ez zen.

«Lasai, dena kontrolpean daukagu» zen lehenbiziko kontsigna agintarien partetik, baina gezurra zen: ezer ez zeukaten kontrolpean. «Inon baino test gehiago egiten ari gara», gero; eta, aldi berean, sintoma argiak zeuzkan jendea etxera bidaltzen ari ziren behin eta berriz. Paraleloki, poliziak eta militarrak atera zituzten kalera, bigilantziazko giro batean jendea are gehiago intimidatzeko eta izutzeko. Abusatzaileen paradisua izan behar du egoera honek.

Konpromisoa eta ardura norberaren onbidean eta elkarrekiko kontrolean oinarritutako zerbait dela ulertzera eman digute: salaketan, albokoa ez ulertzean, humanitate ezean. Bakoitza molda dadila ahalik eta hoberen, eta hor konpon aldamenekoa. Ardura komunitariotik sortutako laguntza sareak erridikulizatu eta oztopatu nahi izan dituzte, jendeak ardura osoz eta batez ere erantzukizunetik jokatuko ez balu bezala.

Jendea ume baten moduan tratatzen baduzu —arduragabe, kontrolatuta eta beldurtuta—, horixe jasotzen duzu bueltan: jendeak ere ume egoskor baten moduan erantzutea. Beraz, halako mezuekin ez dadila inor harritu etxeetan festak antolatzen hasten badira edo Eroski Grindr-eko hitzorduetarako eszenatoki bihurtzen bada: estilo autoritario horren aurrean errebelatzeko modu bat besterik ez da.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Nekane Murga Osasun sailburua, Iñigo Urkullu lehendakaria eta Iñaki Berraondo Osasun sailburuordea atzoko bileran, Gasteizen. ©EUSKO JAURLARITZA / EFE

Murga: «Bigarren olatua da»

Olatz Esteban Ezkati

Positiboen gorakada nabarmena izan da Hego Euskal Herrian: 419 kasu atzeman dituzte azken orduetan, atzo baino 108 gehiago. Fernando Simonek ukatu egin du bigarren olaturik dagoela

 ©BERRIA

«Azala maizago garbitu behar da, eta krema suabeak erabili»

Olatz Esteban Ezkati

Hiru aste igaro dira maskaren erabilera derrigorrezkoa ezarri zutenetik Hego Euskal Herrian. Egunerokoaren parte bilakatu da dagoeneko, baina babesgarri dena kaltegarri ere izan daiteke azalarentzat.

Bastidan, mahats bilketa, 2018an. ©Jaizki Fontaneda / Foku

Araban ere PCRak egingo dizkiete sasoikako langileei

Berria

Arabako Errioxan mahats bilketan 2.500 eta 3.000 langile artean ibiltzea espero da, eta Jaurlaritzak baieztatu du aukera hori aztertzen ari direla. Nafarroak sasoikako langileei eginiko lehen proben emaitzak jaso ditu: denek negatibo eman dute.

Azkaineko (lapurdi) eskolako sartzea, itxialdiaren ondotik. ©Guillaume Fauveau

Bidarteko udalekua itxi dute langile batek positibo eman duela eta

Oihana Teyseyre Koskarat

31 haur izan dira kontaktu zuzenean. Udalekua hetsirik egonen da bi egunez gutxienez. Maskara derrigortu dute Bidarten, Ezpeletan, Getarian (Lapurdi) eta Donibane Garazin.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna