Albistea entzun

LARREPETIT

Alzueta, 1960tik

Hedoi Etxarte -

2021eko ekainak 5

Hitzartua nuen, egun batean patxadaz joango nintzela eta hitz egingo genuela. Esan zidan baietz, ez zuela arazorik zutabe bat egin nezan dendari buruz. Duela aste batzuk Se traspasa jarri zuen dendako afixaren gainean. Beti pasatzen nintzen sartzeko denborarik gabe, galdetu nion noiz arte ibiliko zen han, argi esan zidan: «Erosiko duen norbait azaldu bezain laster itxiko dut».

Gure auzoan zapatak konpontzen zituen denda zen Alzueta. Langile zintzoa zen Jesus Ripodas Alzueta. Larruzko bota batzuen zola aldatzera joan nintzen behin. Beste denda batean zola aldatu zidaten urte batzuk lehenxeago. Iritsi zitzaidan sms bat, pasatzeko oinetakoen bila. Iritsitakoan zapatek ez zuten zola berririk. Zapata horiek ezin zirela konpondu, zola berria jarrita ere, jatorrizko oinarria hain zegoela higatua, zolak ez zuela zeri eutsi. Absurdoki insistitu nion, bota horiek ziren nire udazken-udaberriko plana, betuiez zaintzen nuen pare bakanetakoa. Gizonak esan zidan garbi: «Ezin zaie kariñorik hartu zapatei, aldi baterako dira».

Beti lanez lepo: bizikletarako osagarriak, gerrikoak, berokiak, giltzen kopiak, zakuak konpontzeke. Baina beti deigarria egin zitzaidana lanerako ordutegia zen. Horri buruz galdetu nahi nion bereziki: 07:30etik 15:00etara. Autoesplotazioa ardatz duen merkataritza txikiaren arauen kontra, ordutegia bere neurrira egina zuen. Erretreta hartzera arte iraun zuen.

Deigarria zen, kapitalismo garaikidea, tokiko administrazioarekin elkarlanean, merkataritza guneen bidez ari delako azken hamarkadetan dendak ixten. Baina deigarria, baita ere, bideragarriak diren zenbat negozio txikik ez dutelako belaunaldi aldaketarik. Haurren ametsa omen da ospetsu izatea. Langile helduena, duinki bizitzeko aukera bakanetakoa, funtzionario izatea (ez irakasle, suhiltzaile, erizain). Atzo meme batek Walter Benjaminen Artelana errepikagarritasun teknikoaren garaian-en esandakoa zekarren: «Autoalienazioak halako maila lortu du, non bere suntsipena aurreneko mailako gozamen estetiko gisa biziaraztea ahalbidetzen baitio».

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.