LARREPETIT

Zabor-jausia

Samara Velte -

2020ko otsailak 14

Arazo bat daukazunean, bi aukera zabaltzen dira: hari heltzea edo izkin egiten saiatzea, bere kabuz konponduko delakoan. Psikologian, saiheste bidezko konfrontazioa deitzen diote; edo, arrunki, hautsa alfonbra azpian gordetzea.

Demagun arazo bat daukazula zure lurraldeko zaborrarekin. Gehiegi sortzen da eta ez dago hura txukun jasotzeko tokirik. Hainbat aukera dauzkazu: adibidez, pentsa dezakezu zer ordezka ote litekeen bertsio ekologikoago batekin. Berrerabileran pentsa zenezake, edo, baliabideak badituzu, konposta egin. Edo, bestela, erosoen zaizun tokiren batera eraman dezakezu, beste norbaitek jasoko eta kudeatuko duen esperantzaz. Saiheste mekanismoa.

Jakina: beti topatuko dituzu zabor horrekin negozioa egiteko prest dauden enpresa zalantzagarri baina salbatzaileak. Han jardungo dute, herri txikiren batetik soilik ikusten den gune batean. Zu arazoaren kudeaketa bikainaz harrotuko zara, eta Ingurumen Planta-ren moduko izen ponposo bat ipiniko diozu, inaugurazio ekitaldi eta guzti. Segurua? Horixe segurua dela. Begira zeinen seguru nagoen ni, arazoa gainetik kenduta.

Eta horrela doa alfonbrapeko hautsa pilatzen, harik eta mendiak, hitzez hitz, gainezka egiten dizun arte. Zabor-jausia, gure gizartearen metafora gisara: azkenean, bi langile dira besteek pilatutako zaborraren azpian harrapatuta geratzen direnak.

Orduan ohartzen zara arazoa ez zenuela benetan gainditu, alboratu baizik. Eta berriz zabaltzen zaizkizu bi aukera. Ardura hartu eta atzera egin dezakezu, edo arreta beste norabait eramaten saia zaitezke, adibidez, mundu guztia izutu eta hunkitu duen ezbehar bat hauteskundeen logikan kokatuz: «Nire aurka egiteko erabili duzue» (Spoiler: halako adierazpen batek gehiago esaten du zuk pentsatzen duzunaz, besteez baino). Ordurako, hiru arazo izango dituzu atzetik: zaborrena, istripuarena eta arduragabekeriarena. Baina lasai egon; beti dago ihesbideren bat.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Albiste gehiago

Debatea

Debatea

Kirmen Uribe

Trumpen eta Bidenen arteko lehiari begira jarri da Kirmen Uribe ere, aste honetako New Yorkeko munduak podcast-ean.

 ©Malen Amenabar Larrañaga / Txakur Gorria
Itziar-Ondarroa
Hamabostaldia Mexikon

Hamabostaldia Mexikon

Kirmen Uribe

Berezko dudan baikortasun, ezen ez xalotasun, honek traizionatu egiten nau batzuetan. Gaztetan maite nuen Emil Cioran-en ezkortasun beltza, baina orain, zer esango dizuet, nahiago dut Bertrand Russell-en inkonformismo bizizalea. Uste genuen abuztuaren bukaeran gauzak hobeto egongo zirela Covid-aren kontuarekin, Europa eta Estatu Batuen arteko mugak zabalduko zituztela eta ez genuela arazorik izango New Yorkera itzultzeko. Baina ez da izan horrela.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna