Noiz sortua: 2019-12-03 00:30:00

LARREPETIT

Hemen

Goizalde Landabaso -

2019ko abenduak 3

Bi fruta dendatan egiten ditut erosketak. Erosotasunaren arabera eta, batez ere, etxerako bidean ondoen harrapatzen nauenaren arabera bat edo bestea hautatu ohi dut. Aste berean gertatu zitzaizkidan anekdotak ekarri nahi dizkizut gaur, alegia, oso denbora gutxian izan nituela anekdota gogoangarri bi. Lehenengoa, astearte buruzuri goiz batean: fruta dendan sartu, eta berehala ikusi nituen orburu ezin ederragoak. Amets-irudiak eragin zizkidaten: Tuterako Iruña jatetxean jan nituenen parekoak egiteko gai izango ote nintzen? Hemengoak ote ziren galdetu nion fruta dendakoari. Saltzaileak hemengoak zirela erantzun zidan, Nafarroakoak, eta ia aldi berean atzean nuen gizonak esan zidan hemen hitzarekin kontuz ibili behar zela. Erlatiboa zela. Esango nuke ironikoki esan zidala, trufa ukituarekin; baina denboraren poderioz atera dudan ondorioa da zuzentze kontua izan zela. Entzundakoa berrets ziezadan saltzaileari galdetu nion ea Nafarroakoak ote ziren. Baietz hark. Atzeko gizonari esan nion hemen-hemengoak zirela orburuak, berak erabilitako irmotasun berarekin. Saltzaileak, erdi nafarra berak aitortu bezala, Nafarroa hemen zela pentsatzen zuen: «Hemengo laranjarik ba ote dago? Ze hemen ez dago laranjarik», esan zion. Tolerantziaren herrian hemengotasunak (ere) oraindik ere soka luzea du. Bigarrena pare bat egun geroago. Intxaurrak amaitu zitzaizkidanean joan nintzen beste fruta denda batera. Etxetik hurbilago dago eta etxera bidean erosoago egiten zitzaidan. Ederrak ziren intxaurrak, eta bertokoak ote ziren galdetu nion. Ez nago obsesionatuta, ez, baina zenbat eta hurbilagokoak izan nahiago dut. Fruta dendakoak baietz esan zidan «son vasco-francesas». Baiezkotasuna adierazi, eta atoan, damua agertu zuen saltzaileak, ez ote zuen galduko betiko bezeroa.

Tolerantziaren herrian norberarentzat zer den hemen eta zer ez ozen adieraztea oraindik ere arrisku kirola sentitzen du zenbaitek.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 2an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan hamar lagun hil dira COVID-19 gaitzaren eraginez. Zortzi positibo atzeman dituzte PCR probekin, eta bost gaixo ospitaleratu dituzte. Euskal Herrian 29.491 gaixok eman dute positibo guztira, koronabirusa atzemateko probaren bat eginda. Horietatik 2.078 hil dira. Grafikoak, albiste barruan.

Rafael Bengoa, sendagilea eta Osasun eta Kontsumoko sailburu ohia. OMEn egiten du lan gaur. ©Gorka Rubio / Foku

Rafael Bengoa: «Hildakorik ez dela egon esatera ateratzeak, nahasmen handia sor dezake»

Berria

Eusko Jaurlaritzako Osasun Sailburu Rafael Bengoak «inprobisazioa» salatu du Financial Times aldizkariari eginiko adierazpenetan. Osasunaren Mundu Erakundean ari da lanean Bengoa.

Elkarrizketa: Ana Galarraga eta Miren Basaras

«Zabaltzen jarraitu behar dugu ez dakigula benetan zer gertatuko den»

Jakes Goikoetxea

Asko dakite SARS-CoV-2 birusari eta COVID-19aren izurriteari buruz, baina, asko jakinda ere, zuhurtziaz jokatzen dute, ez baitakite zer gertatuko den epe laburrean eta luzera begira.

Donostiako Axular lizeoko ikasgela bat, maiatzaren 25ean, ikasle batzuk eskolara itzuli ziren egunean. / ©Gorka Rubio, Foku

Irailean ikasturtea normaltasunez hastea aurreikusten du Eusko Jaurlaritzak

Jon Ordoñez Garmendia

Maila guztietan eta gela murrizketarik gabe hasiko litzateke, ondo bidean. Jangela eta garraio zerbitzuak normaltasunez hastea ere aurreikusten du, baina DBHko eta Batxilergoko ikasleek ordutegi jarraitua izango lukete, etxean bazkaldu dezaten.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna