Albistea entzun

Sei izendapenekin, 'Nomadland' da faborito nagusia Oscar sarietarako

David Fincherren 'Mank' filmak hamar garaikur irabazteko aukera izango du sari banaketan
Astelehen goizaldean egingo dute Oscar sarien gala, Los Angelesen. Argazkian, Chloe Zhaoren <em>Nomadland</em> filmeko irudi bat.
Astelehen goizaldean egingo dute Oscar sarien gala, Los Angelesen. Argazkian, Chloe Zhaoren Nomadland filmeko irudi bat. BERRIA Tamaina handiagoan ikusi

Olatz Enzunza Mallona -

2021eko apirilak 24

Pandemiaren ondorioz, ohi baino bi hilabete geroago egingo dute 83. Oscar sariak banatzeko ekitaldia; astelehen goizaldean, hain zuzen. David Fincherren Mank filmak ditu izendapen gehien, baina, kiniela askotan, Chloe Zhaoren Nomadland ikusten dute faboritotzat. Aldi berezia izango da aurtengoa. Osasun krisia dela eta, aire zabalean egingo da sari banaketa: Union Station tren geltokiko patio batean (Los Angeles, AEB). Bestalde, zuzeneko konexioak egingo dituzte Los Angelesko Dolby antzokiarekin, orain arte areto horretan egin izan baita sariak banatzeko ekitaldi nagusia.

Izendapen kopuruari begiratuta, Mank hamar izendapenekin iritsiko da ekitaldira. Besteak beste, film, zuzendari, gizonezko aktore eta taldeko emakumezko aktore onenen sariak eskuratzeko hautagaien artean dago. Citizen Kane idatzi zuen Herman Mankiewiczi buruzko biopic-a da filma, zuri-beltzean grabatua, eta Orson Wellesen obra ezagunaren idazketa prozesua kontatzen du. Netflix plataformak ekoitzi du filma, eta baliteke aurreneko aldiz plataforma digital batek irabaztea film onenaren Oscar saria.

Hala ere, Nomadland da kiniela askotako faborito nagusia. Chloe Zhao zinemagile txinatar-estatubatuarraren filmak sei hautagaitza eskuratu ditu. Horrez gainera, azken hilabeteotan sekulako oihartzuna bereganatu du. Frances McDormand du aktore protagonista filmak —emakumezko aktore onenaren sarirako izendatuta dago—, eta dena galdu ostean AEBetako errepideetara karabanarekin aterako den andre baten istorioa kontatzen du. Erresuma Batuko Bafta sarietan protagonista nagusia izan zen: film, zuzendari, emakumezko protagonista eta argazkilaritza onenen sariak jaso zituen. Horrez gainera, bi Urrezko Globo ere baditu dagoeneko.

Seina izendapen lortu dituzte Florian Zelleren The Father, Lee Isaac Chungen Minari, Darius Marderren Sound of Metal eta Shaka Kingen Judas and the Black Messiah filmek ere. Horiez gainera, lan onenaren sailerako hautagaien artean dago Aaron Sorkin zinemagile estatubatuarraren The Trial of the Chicago 7.

Zuzendari onenaren sarirako ere izendatu dute Zhao, eta lehiakide izango ditu Fincher, Emerald Fennel, Lee Isaac Chung eta Thomas Vinterberg. Gainera, aurten, lehenengo aldiz, bi emakume daude izendatuta zuzendari onenaren kategorian. Era horretara, aurtengoan, inoizko emakume gehien daude hautagaien artean: 70.

Protagonistaren rola jokatu duten aktoreei dagokienez, berriz, The Father-ek eta Minari-k hautagaitza berak lortu dituzte; gizonezko eta emakumezko aktorerik onenaren sarirako izendatu dituzte. Hurrenez hurren, bi filmetako aktore nagusiak hauek dira: Anthony Hopkins eta Olivia Colman, eta Steven Yeun eta Yuh-jung Youn.

Sari horiez gainera, beste hamaika kategoriatako sariak banatuko dituzte astelehen goizaldean. Besteak beste, jatorrizko gidoi onenaren saria eta argazki onenaren saria. Kasurako, nazioarteko film onenaren saria irabazteko hautagaiak ondorengoak dira: Druk / Another Round danimarkarra, Hong Kong-eko Shaonian de ni / Better Days, Colectiv errumaniarra, The Man Who Sold His Skin tunisiarra eta Bosnia eta Herzegovinako Quo Vadis, Aida?.

Bestalde, zeresan handia eman du Maite Alberdi txiletarraren El agente topo dokumental onenaren sarirako izendatu izanak. Txiletarrak ezohiko espioitza istorio bat kontatu du dokumentalean. Zahar etxe bateko bizimodua filmatu du, ustezko tratu txar batzuk ikertzen ari den infiltratu baten inguruan. Donostiako Zinemaldian Donostia Hiria Publikoaren Saria irabazi zuen.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

James Joyceren <em>Ulises</em>-ek mendea bete du aurten. ©BERRIA
Bilboko Arte Ederren museoko 18. gela hartzen dute Rubensen lanek. ©OSKAR MATXIN EDESA / FOKU

2025ean nahi dute zabalik Bonnat museoa

Iñigo Astiz

Guztira, 4.000 metro koadro izango ditu Baionako Bonnat-Helleu museo berriak, eta maileguak egiten hasteko asmoa dute
Claudia Pages artista eta Clara Montero Tabakalerako kultur zuzendaria, Lau Pareta aretoan. ©GOTZON ARANBURU / FOKU

Gerundioaren buelta biolentoa

Itziar Ugarte Irizar

Claudia Pagesen 'Gerundi circular' bideo instalazioa jarri dute ikusgai Tabakaleran, urtarrilera arte
Inazio Mujika, Aintzane Atela, Miren Arratibel, Manu Lopez eta Joxean Muñoz, gaur goizean, Donostian. ©Gorka Rubio / Foku

Edith Wharton batu da Literatura Unibertsala bildumara

Itziar Ugarte Irizar

Egile estatubatuarraren 1911ko ‘Ethan Frome’ nobela laburra euskaratu dute Miren Arratibelek eta Aintzane Atelak. Izen bereko pertsonaiaren gorabeherak ditu ardatzean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...