Albistea entzun

PROPOSAMENAK

Flyscha baino gehiago

Itsaslabarrek egin dute famatu Zumaia, baina Gipuzkoako kostaldeko herri horrek badu bisitariei zer eskainia itsasertzeko arrokez harago
Santiago hondartza eta Zumaiako herrigunea.
Santiago hondartza eta Zumaiako herrigunea. ANDONI CANELLADA / FOKU Tamaina handiagoan ikusi

Aitor Garmendia Etxeberria -

2021eko uztailak 23

Urola ibaiak Zumaian (Gipuzkoa) isurtzen ditu urak Kantauri itsasora. Duela milioika urte, ur horiek garraiaturiko sedimentuek osatu zituzten flyscheko arrokak. Azken urteetan, itsasertzeko tolestura horiek milaka turistaren argazkietan agertu dira. Geologiaren altxor horren eta Urola ibaiaren artean dago erdigune historikoa. Zer ikusi ugari dago bertan, eta, herriko bi hondartzekin batera, udarako helmuga paregabea bihurtzen du Zumaia.

Hainbat eraikin deigarri biltzen ditu kresalez perfumaturiko alde zaharrak. Bertan daude, besteak beste, Ubillos, Zumaia eta Olazabal jauregiak. Halere, guztien artean bat da nagusi: San Pedro parrokia. Herriaren babesle lanak egiten ditu harrizko eraikin sendoak. Ez du ia apaingarririk: gotorlekua gehiago dirudi eliza baino. Barnean, ordea, sekulako ondarea gordetzen du: Joanes Antxeta eskultore entzutetsuak eginiko erretaula, Gipuzkoan kontserbatzen den artista azpeitiarraren obra bakarra.

Harrizko kale aldapatsuetan gora, bisitaria San Telmora iritsiko da. Marinelen zaindariari eraikitako ermitak Kantauri itsasoaren ikusmira zabala eskaintzen du. Beste begiratoki bat, Algorrikoa, ermitatik 500 metrora dago. Itsasoan barneratzen den lurmuturraren puntatik, ia Debarainoko itsaslabarrak ikus daitezke.

San Telmotik zein Algorritik igarotzen da flyscharen ibilbidea. Hamabost kilometro ditu itsasbazterretik Zumaia eta Deba lotzen dituen bidexka horrek. Norbere kabuz, Euskal Kostaldeko Geoparkea bisitatzeko eta ibilaldi polit bat osatzeko aukera ona da. Osterantzean, flyscha ezagutzeko bisita gidatuen eskaintza zabala dago. Itsasontziz zein oinez bertaratu daiteke. Bisiten ordutegiak, prezioak eta gainerako informazio guztia Geoparkea.eus webgunean ageri da. Bertan, Zumaiako herrigunea ezagutzeko hainbat bisita ere badaude. Web orrialdean edo Zumaiako turismo bulegoan egin daitezke erreserbak.

Itsaslabarrez gain, Zumaiako itsasertzak baditu beste interesgune batzuk. Flyscharen oinetan dago Itzurun hondartza, Zumaiako erdigunetik gertuen dagoena. Ibaiaren beste aldean dago Santiagokoa. Udan, herrigunetik itsasontziz joan daiteke. Oinez edo bizikletaz ere iritsi daiteke. Kirol portuaren albotik igarotzen da bidegorria. Baita Z Kultur Espaziotik ere, Zuloaga margolariaren lantoki izandakotik.

Pandemia dela eta, bi hondartzek edukiera mugatua dute aurtengo udan. Sarbideetan dauden semaforoek adierazten dute ea tokirik badagoen. Bestela, Nik Hondartzak aplikazioan ere kontsultatu daiteke.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

 ©IDOIA ZABALETA / FOKU

«Niretzat pasio bat da, eta, datorrena datorrela, idazten jarraituko dut»

Olaia L. Garaialde

Osasungintza eta poesia uztartu ditu Azkargortak 'Eripoemia' poesia bilduman; besteak beste, heriotzaz eta denboraren joanaz idatzi du: «Gorputzaren kanpoko aldetik barrurako bidaia egin nahi nuen».
Donibane Lohizuneko Paul Jovet baratze botanikoa. 2,5 hektarea ditu lorategiak, eta itsasotik 50 metroko altuera duen Erromardiko hondartzaren itsaslabarrean dago. ©JON URBE / FOKU

Naturarekin zuzenean batzeko aukera

Ane Markina Auzmendi

Udan hamaika plan egin daitezke, eta horietako bat Euskal Herriko lorategi botanikoak bisitatu eta ezagutzea izan daiteke.

Udaletxe azpiko arkua herriko sarrera nagusia zen Erdi Aroan. ©JON URBE / FOKU

Kaxkoaren ondarea

Olatz Esteban Ezkati

Hernaniko erdigunea paseo atsegina da Erdi Aroaren zaleentzat. Eraikin esanguratsuak eta historiaz beteriko kaleak topa daitezke han
Mikel Gurrearen <em>Heltzear</em> laburreko irudi bat. ©IRUSOIN

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.