Frantziako Auzi Poliziak trenkatu du: Angeluko Xiberta oihanean (Lapurdi) iragan astean izandako sutea «nahita» piztua izan zen. Hala adierazi zuen atzo Jerome Bourrier Baionako prokuradoreak. 16 urteko mutil bat atxilotu zuen Frantziako Poliziak asteazkenean. «Hainbat froga jaso dituzte inkestariek, eta nahikoa elementu dauzkagu gizona espetxeratzeko eskatzeko», esan zuen Bourrierek. Erabakia askatasun epaileak hartu beharko du.
Hogei urteko kartzela zigorra arriskatzen du susmagarriak, «eri geldialdi bat eragin duen baso edo landa baten desegite kriminala» akusaziopean. Izan ere, dozena bat polizia eta suhiltzaile intoxikatu zituen keak, eta lan geldialdi bat behar izan zuten. Ondoko asteetan epaituko dute gaztea Baionan, epaileak adingabeen auzitegira aurkeztea erabakitzen ez badu —delitu larria izaki, adindun gisa epai dezakete—.
Xibertako sutea gertatu baino hamar egun lehenago, aterpetua den gazte egoitzako gela bati su eman zion ustez atxilotuak. «Piromaniarako joera duen susmagarria dela esan daiteke», Bourrieren arabera. Basoaren 165 hektarea erre ziren arren, sua leku bakarrean piztu zela uste dute; hala ere, Frantziako Poliziak ez du argitu nola eragin zuten. Christian Sivy Bordeleko (Okzitania) poliziaburuaren hitzetan, zaila izaten ari da inkesta: «Oso zaila da sute baten ondotik frogak biltzea. Lortu dugun informazioa lekukoen esanetan oinarritzen da. Zenbait froga zientifikoki ikertzen ari dira, eta emaitzen beha gaude».
16 urteko mutil bat atxilotu du Poliziak Angeluko suarekin lotuta
Hogei urteko kartzela zigorra arriskatzen du Baionako gazteak, delitu larria egotzita
Iruzkinak
Ez dago iruzkinik
Ordenatu