Albistea entzun

Bilboko Metroak deskontuak egingo ditu irailetik aurrera

Bizkaiko Garraio Partzuergoak ezarriko dituen irizpideen zain daude, deskontuak nola egin finkatzeko. Garraio publikoa sustatzea da xedea

Erredakzioa -

2022ko abuztuak 12

Bilboko Metroa elkarte publikoaren ardurapean dauden L1 eta L2 lineetan ere deskontuak egingo dituzte irailetik aurrera, energia aurrezteko eta garraio publikoak sustatzeko neurrien harira. Oraindik ez dute zehaztu nola egingo duten: Bizkaiko Garraio Partzuergoak ezarri behar ditu horretarako irizpideak, baina, printzipioz, Bilboko Metroaren borondatea da gainerako garraio publikoetan ezarriko diren hobariak beraiek ere aplikatzea.

Eusko Jaurlaritzaren Lurralde Plangintza, Etxebizitza eta Garraio Sailak garraio publikoetan aplikatuko dituen deskontuen berri eman zuenean, Bilboko Metroaren L3 linea baino ez zuen aipatu prezioak murriztuko dituzten garraiobideen zerrendan. Linea hori ez du Bilboko Metroak kudeatzen, Eusko Trenbideak enpresak baizik.

Hala ere, Bilboko Metroak BERRIAri jakinarazi dionez, hura ere prest dago kudeatzen dituen A1 eta A2 lineetan aipatutako deskontuak aplikatzeko, betiere Bizkaiko Garraio Partzuergoak erabakitzen duena aintzat harturik eta harekin koordinatuta.

Bi linea horiek dira gehien erabiliak, eta sare osoaren erabiltzaileen %95 inguru hartzen dituzte.

Herenegun, Metro Bilbaoko langile batzordeak elkarretaratze bat egin zuen langileen aurkako erasoak areagotu direlako eta konponbideak eskatuz.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©BERRIA

Hilekorako produktuen BEZa %10etik %4ra jaitsiko du Madrilek

Uxue Rey Gorraiz

Preserbatiboei eta medizinalak ez diren antisorgailuei ere eraginen die merkatzeak; pixoihalei, ez.

Hablamos español elkartearen protesta Madrilen, joan den astean. ©FERNANDO ALVARADO, EFE

«Zelan erdaldundu Euskal Herria?»: dekalogo bat eman du Euskal Encodingsek

Uxue Rey Gorraiz

Espainiako epaile batek «gaizkile txiki bat» sortzeko dekalogoa eman zuen joan den hamarkadan. Hori oinarri, eta begirada euskarara zuzenduz, beste bat argitaratu du Euskal Encondingsek: Etxean erdaldun txiki bat sortzeko dekalogoa. Hamar gako dira, ironiaz biziturik.

Elbira Zipitriaren estatuaren aurkezpena, Gipuzkoako foru jauregian. ©Gipuzkoako Foru Aldundia

Elbira Zipitriaren estatua bat jarri dute Gipuzkoako foru jauregian

Julen Otaegi Leonet

Lehenbizikoz, andre baten eskultura bat jarri dute jauregiko ohorezko patioan; Gipuzkoaren historiako izen handientzat gordetako espazioa da.

Imanol Pradales Sestao e Areetako metro geltokiak lotuko ditun trenaren aurkezpenan. ©Bizkaiko foru aldundia

Sestaoko eta Areetako metro geltokiak lotuko dituen trenak ez du makinistarik izango

Mikel Garcia Martikorena

Itsasadarraren azpitik igaroko den tren baten bidez, Bilboko Metroko lehenengo eta bigarren lineak lotuko dira.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...