Irudia. Gurutzeta
Zerbitzuak publiko bihurtzea eskatu dute
«Pausoa ematea» eta Osakidetzari ematen dizkioten zerbitzuak publiko bihurtzea: eskaera hori egin zuten atzo osasun zerbitzuetan aritzen diren garbiketako, anbulantzietako, jantokietako eta kafetegietako langile azpikontratatuek. Horretarako, elkarretaratzeak egin zituzten Txagorritxuko, Gurutzetako eta Donostiako ospitaleetako atarian, ELA, LAB, CCOO, UGT eta ESK sindikatuek deituta. «Azpikontratazio sistemak gero eta gehiago okertzen ditu langileen baldintzak», ohartarazi zuen Noemi Etxebarria ELAko kideak. Egoera ikusita, langileek protestetan parte hartzen jarraitzeko asmoa dute. Hurrengoa Bilbon izango da, bihar.
Iruzkinak
Ez dago iruzkinik
Ordenatu