Sanferminak aske gozatzeko deia egin du mugimendu feministak

Iruñeko kolektiboek hamarkadaz hamarkada eginiko lana nabarmendu dute. «Kanpotik datozen planteamenduen» kalteez ohartarazi dute. Bideoa albistearen amaieran.

Mugimendu feministako kideek atzo egindako agerraldia.
Mugimendu feministako kideek atzo egindako agerraldia. IDOIA ZABALETA / FOKU Tamaina handiagoan ikusi

Olatz Azpirotz -

2018ko uztailak 4

«Emakumeen gozamen askea eta antolakuntza» aldarrikatu ditu Iruñeko mugimendu feministak. Jai parekideagoak lortzeko xedez urteetan egindako lana azpimarratu dute bertako hainbat taldek, hala nola Bilgune Feministak, Emakume Internazionalistek, Farrukasek, Indarkeria Sexistaren Kontrako Emakumeon Plataformak, Andrea-Astelehen Lilek eta Gora Iruñeak. Agerraldi bateratua egin zuten atzo.

Nafarroako Indarkeria Sexistaren Aurkako Emakumeen Plataformako kide Iratxe Alvarezek nabarmendu du mugimendu feministak hainbat hamarkada daramatzala jai parekideen aldeko borrokan, eta euren aldarrikapenak babesten dituztela instituzioek 2014. urtetik. «Gure lana ez da lerroburuen araberakoa. Ez da kasualitatea urtetik urtera Iruñeko herritarrek emandako erantzun itzela».

Aitortu du ulertzen dutela emakumeak ezinegonez eta haserre egotea epaileek sanferminetako talde bortxaketari emandako tratuarengatik, baina ohartarazi du sentipen horiek «arriskutsuak» izan daitezkeela, eta beste eraso sexista batzuk «ikusezin» bihur ditzaketela. «Justiziari exijitzen diogu erasotzaileak ez babesteko, erasoak behar bezala identifikatzeko, eta erasotako emakumea babesteko».

Talde bortxaketa salatzeko, hainbat deialdi zabaldu dira azkenaldian sare sozialetan; besteak beste, sanferminetara ez joateko edota beltzez janzteko eskatu diete emakumezkoei. Iruñeko mugimendu feministak ohartarazi du, ordea, proposamen horiek «zalantzazko jatorria» dutela. Are: sare sozialetan zabaldutako deialdi horiek Iruñeari eta mugimenduari min egiten diotela salatu du Alvarezek: «Kanpoko esku hartze horrek baldintzatu egiten du Nafarroako talde feministen lana; kaltegarria izan daiteke».

Horri guztiari aurre egiteko, aipatutako taldeek dei egin dute «tokiko jaietan arau propioak jartzera, espazioa lortzeko neurriak hartzera, gozatzera eta antolatzera». Halaber, dei egin dute uztailaren 10ean egingo den Feministok Prest eguneko jardueretan parte hartzera.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Gazteluko plazan, terrazetan, jende ugari. ©IÑIGO URIZ / FOKU

Arnasa apur bat, «hodei beltzaren» erdian

Joxerra Senar

Urriaren 22tik Nafarroan ostalaritza itxita egon ostean, terrazak dituzten jatetxe eta taberna asko kanpoan zerbitzua ematen hasi dira. Arindu bat izan dela esan arren, uste dute oraingo itxiera «gogorragoa» izan dela. Urriaren 2tik zahar etxeak itxi ostean, egoiliarrei bisita egiteko aukera izan dute senideek berriro ere.
Osakidetzako langileen protesta, Donostian. ©ANDONI CANELLADA / FOKU

Sindikatuek alde egin dute Osakidetzarekin egindako bileratik

Arantxa Iraola

Administrazioaren proposamena edukietan «hutsala» dela deitoratu dute, eta ez duela langileen «aldarri bakar bat ere» aintzat hartu
Eva Ferreira, emaitzak jakinarazteko egindako ekitaldian, atzo. ©ARITZ LOIOLA / FOKU

Eva Ferreira izango da EHUko errektore, boto haztatuen %66rekin

Irati Urdalleta Lete

Parte hartze makurra izan da EHUko hauteskundeetako protagonistetako bat: botoa ematera deituta zeudenen %7,7 baino ez dira joan. Balluerkaren emaitzak berdintzea lortu du Ferreirak

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.