Eslovakiako Alderdi Nazionalak gehiago mugatu nahi du abortua

Abortatu nahi duten emakumeak umekia ikustera eta haren bihotz taupadak entzutera behartuko dituen legea onartzea nahi du
Eslovakiako Parlamentua, artxiboko argazki batean.
Eslovakiako Parlamentua, artxiboko argazki batean. PETER HUDEC / EFE Tamaina handiagoan ikusi

Aitor Manterola -

2019ko azaroak 30

Eslovakiako Parlamentuak abortua murrizteko lege bat onar dezake, eta, horren arabera, abortatu nahi duten emakumeak, hori egin aurretik, umekia ikustera eta haren bihotz taupadak entzutera behartu ditzakete. Herrialde horretan legezkoa da abortua, haurdunaldiaren aurreneko hamabi asteetan egiten bada, eta geroago egitekotan, osasun arazoak baldin badaude egin daiteke soilik.

Alderdi Nazionalak egindako eskaera da, eta aurten beste zazpi saiakera egon badira ere abortua murrizteko edota emakumeak hori ez egitera bultzatzeko, alderdi horretako hiru emakumek aurkeztutako azkeneko proposamenak gainditu zuen bozkatzera igaro aurreko galbahea. Eslovakia izan daiteke Europako lehen herrialdea horrelako neurri bat hartzen; 39tan dago abortua onartua, eta seitan soilik kasu berezietan uzten dute. Kontinentetik kanpo, AEBetako zazpi estatutan daude antzeko legeak, eta emakumeak behartuta daude umekia ikustera eta haren taupadak entzutera. Espainiako Kongresuan, UPN saiatu zen antzeko proposamena onarrarazten, 2014an abortuaren legea aldatzeko Alderdi Popularrak egin zuen saiakeran.

Eslovakiako kasuak kontrako adierazpenak eragin ditu herrialdean bertan ez ezik kanpoan ere. Human Rights Watch erakundeko Hillary Margolis ikertzaile nagusiak garbi adierazi zuen zer den lege berria: «Emakumeak estigmatizatzeko, umiliatzeko eta tratu jasangaintza onartzera behartzeko estrategiak dira».

«Bihotza osatu gabe dago»

Urrunago joan dira Amnesty International eta Marie Stopes Internacional erakundeak —abortuaren aldeko elkartea—: «Abortatu aurretik bete beharreko pauso horiek giza eskubideen inguruko hainbat tratatu bortxatzen dituzte, Eslovakiak onartuta dauzkanak». Abortatzeko eskubidea babesten duen irabazi asmorik gabeko Guttmacher Institutuko Elizabeth Nashen arabera, «kezkagarria da AEBetako estatu batzuetako araudiak beste leku batzuetan sartzen ikustea».

Jennifer Conti AEBetako Ginekologoen Elkarteko bozeramailea umekien taupaden inguruan mintzatu zen, eta azaldu zuen ez dela zuzena horien aipamena egitea: «Ezin da esan bihotz taupadak direnik, umekiaren bihotza ez dagoelako osatuta».

Eslovakian bertan ere kontrako iritzi asko daude, eta gehiengoa ez dago lege murriztailearen alde, argitaratu berri den inkesta batean azaldu denez. Alderdi Nazionaleko jarraitzaileen artean ere badira bat egiten ez dutenak abortuaren aurkako bide murriztaileekin. Dena dela, azkenaldian asko jaitsi da abortu kopurua.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Neurri bereziak dituen taberna bat, Donostian. ©Gorka Rubio / Foku

Gaueko aisialdiaren mugen aurkako salaketa jarriko dute Bizkaiko eta Gipuzkoako ostalariek

Andoni Rekondo Izagirre

Uste dute 01:30ean ixteko agindua «neurrigabea» dela, eta laguntza ekonomikoak galdegin dituzte.

Bizkaiko zahar etxe bateko egoiliarrak paseoan. ©Marisol Ramirez/FOKU

Bilboko zahar etxe bateko zortzi egoiliarrek positibo eman dute

Olatz Esteban Ezkati

Birjinetxe zentrora eraman dituzte kutsatu diren egoiliarrak; eta hainbat langile bakartu dituzte, haiek ere positibo eman ostean.

PCR proba bat egiten, Donostian. ©Gorka Rubio, Foku

400 kasutik gora, laugarren egunez jarraian

Berria

Kasuen erdia baino gehiago Bizkaian atzeman dituzte. Deustuko eliza bat itxi dute, apaiz batek positibo eman ostean.

 ©Raul Bogajo / Foku

Lanbidek Zaramagako eta Laudioko bulegoak itxi ditu, bi langilek positibo eman ostean

Andoni Rekondo Izagirre

Bulegoetako gainerako beharginak ere etxera bidali dituzte berrogeialdia pasatzera. Bitartean, kudeaketak webgunearen bitartez egin ahal izango dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna