Zaldibarko hondamendia eltze hotsez gogoratu dute bi hilabete igaro diren honetan

Zaldibar Argitu plataformak egin du deialdia. Igandean, Alberto Sololuzerena izan daitekeen auto bat aurkitu zuten hondakinen azpian

Protesta zaratatsuak egin zituzten atzo balkoietan.
Protesta zaratatsuak egin zituzten atzo balkoietan. ARITZ LOIOLA / FOKU Tamaina handiagoan ikusi

Gotzon Hermosilla -

2020ko apirilak 7

Atzo hilabete bi bete ziren Zaldibarko zabortegia (Bizkaia) amildu zenetik, eta, hori dela eta, lapiko jotze eta protesta zaratatsua egin zuten leiho eta balkoi ugaritan, Alberto Sololuze eta Joaquin Beltran desagerturik jarraitzen duten bi langileak gogoratzeko, eta aferaren inguruko gorabehera guztiak argi daitezela eskatzeko. Zaldibar Argitu plataformak egin zuen deialdia, eta hondakindegiaren inguruko herrietan izan zuen oihartzunik handiena.

 

Eragile ugarik ekarri dute gogora Zaldibarko hondamendia, hura gertatu eta bi hilabetera. EH Bilduko Mikel Oterok esan du «zauriak irekirik» daudela oraindik ere, Sololuze eta Beltran bilatzen jarraitzeko eskatu du, eta erantsi du «tamalgarria» begitantzen zaiola «kudeaketan akatsak egon direla onartu ez izana».

CCOOk ere «erantzukizun politikoak» eskatu ditu «hondakindegiaren kudeaketa eskasa» dela eta, eta «lehentasunezkotzat» jo du bi langileak topatzea. Horretan aritzen direnentzat segurtasun neurriak eskatu ditu.

Joaquin Beltranen senide Marta Alvarezek esan du familiak «etsita eta hondoraturik» daudela, baina bi langileak topatzeko itxaropenari eutsi dio, bilaketa lanak ez direlako eten: «Hori da axola zaigun bakarra: ager daitezela eta merezi duten atsedena jasotzeko modua izan dezatela».

Joan den igandean, zabortegiaren inguruetan Sololuze eta Beltran aurkitzeko lanetan ari diren beharginek auto bat topatu zuten hondakinen azpian. Adituek aztertu behar dute autoa, baina, itxura guztien arabera, Alberto Sololuzerena izan daiteke.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Durango, atzo arratsaldean. Dena itxi behar dute 21:00etatik aurrera. ©Aritz Loiola / FOKU

Alarma egoera ezartzea erabakiko du gaur Espainiako Gobernuak

Edu Lartzanguren

Ministroen Kontseilu berezia egingo dute gaur dekretua sinatzeko, besteak beste Hego Euskal Herriko gobernuburuek eskatuta.

 ©JON URBE / FOKU

«Onartezina da bihar txertoa heltzea eta horretaz gogoetarik egin gabe egotea»

Arantxa Iraola

Txertoa lortzeko ikerketek, hura jartzeko garaia heltzen denerako ezarri behar diren irizpideek, itaun etiko ugari ekarri dituzte. Horietaz gogoetan ari da Ausin, eta, oro har, izurriaren inguruko auzi etikoez. Hitz hau darabil usuenik: «Gardentasuna».

Jaten emateko lizentziarik ez duten ostatuetako bat, Maulen, estadioaren parean, halabeharrez hetsirik. ©GUILLAUME FAUVEAU

Etxeratze aginduak ez du karismarik

Ainize Madariaga

COVID-19ren kontrako manuek ezinegona eragin dute hainbat herritarren artean. Hiru ostatuk ezin dute ireki Maulen. Zabal dezaketenek ez dakite norat buruz doazen

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna