Egon hadi lo...

Utzikeriaz aritu dira esprinterren taldeak, eta Jelle Wallaysek bikain baliatu du hori Espainiako Vueltako 18. etapa irabazteko

Julen Etxeberria -

2018ko irailak 14
Gaur eta bihar Andorran jokatuko dituzten bi etapek zehaztuko dute Espainiako Vueltako sailkapen nagusia. Oso gogorrak dira bi etapak, batez ere biharkoa, eta, horregatik, indarrak gordez aritu ziren atzo txirrindulari gehienak. Ejea de los Caballeros (Espainia) eta Lleida (Herrialde Katalanak) arteko bidea, gainera, aproposa zen lasaixeago aritzeko, gorabeherarik gabekoa baitzen.

Jelle Wallays (Lotto Soudal), Sven Erik Bystrom (UAE) eta Jetse Bol (Burgos) izan ziren saiatuenak. Irten eta berehala egin zuten aurrera. Bazirudien tropelak kontrolatuak zituela, baina usteak ustel. Utzikeriaz aritu ziren esprinterren taldeak, eta, ohartzerako, harrapaezinak ziren Wallays eta Bystrom —atzean geratu zen Bol—. Aurrenak irabazi zuen, justu-justu. Hirugarren eta laugarren helmugaratu ziren Peter Sagan (Bora) eta Elia Viviani (Quick Step). Berandu.

Gaur, Rabassa gogorra

Atzoko su-etenaren ostean, gaur piztuko da berriro borroka. Horretarako aukera egon badago, gogorra baita gaurko etapa. Lleidan hasiko da, eta Rabassa lehen mailako gainean amaituko. Goranzko joera dute 154,4 kilometroek. Azkeneko hamazazpiak dira gogorrenak, Rabassan gorakoak: batez beste, %6,6ko pendiza dute.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna
Julen Etxeberria

Informazio osagarria

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna