«Abentura» luzatzeko asmoz

ASB Baionak finalerdietako partida jokatuko du etzi, aurkari oso gogor baten aurka: Montpellier
ASB Baionako jokalariak ariketa bat egiteko prest, entrenamendu batean.
ASB Baionako jokalariak ariketa bat egiteko prest, entrenamendu batean. BERRIA Tamaina handiagoan ikusi

Imanol Magro Eizmendi -

2019ko maiatzak 10

Aste berezia bizi dute ASB Baionan. Lapurdiko hiriburuko klub historikoetako ahizpa txikia da, baina iragan sasoitik Lehen Mailan ari den hiriko talde bakarra da. Aritu, eta maila onean, bere multzoan —zortzi taldeko bi multzo dira— bigarren gelditu ondoren, kanporaketetarako sailkatu baitzen, eta etzi jokatuko ditu finalerdiak (14:15), Montpellierren aurka, Auchen (Frantzia), zelai neutralean. «Historikoa da egin duguna: bigarren sasoia Lehen Mailan eta finalerdietara iritsi, inoiz ez da halakorik gertatu», nabarmendu du Maika Brust (Baigorri, Nafarroa Beherea, 1994) ASBko bigarren lerrokoak.

Baionako taldea seigarren izan zen iragan sasoian, zortzi taldeko liga batean, eta aurten asko igo du langa. «Guretzat ere ezustekoa izan da. Ezusteko oso gozoa, baina ondo lehiatu gara. Gainera, kontuan hartu behar da astean bi aldiz bakarrik entrenatzen garela elkarrekin. Beste egunetan gure kasa ibiltzen gara». Eliteko errugbi talde bat astean bitan bakarrik entrenatzea oso ezohikoa da, baina jokalari guztiak amateurrak izateak horretara bultzatzen ditu. «Lana behar dugu etxean ordaindu eta jateko, eta ezin dugu utzi». Brust ariketa fisikoko irakaslea da Larzabaleko eskola batean.

Multzoko bigarren izan ondoren, ASBk final-laurdenetako partida etxean jokatzeko eskubidea lortu zuen, eta 21-15 irabazi zion Romagnati. Etziko partida, baina, zailagoa izango da, Montpellier ligako talde gogorrena baita. Zergatik? Azken sei urteetan bost aldiz izan da txapeldun, eta sasoi honetan jokaturiko hamabost partidetatik hamalau irabazi ditu, eta batean ez beste guztietan lortu du erasoko puntua. Erdi profesionalak dira, gainera. «Oso onak dira», laburbildu Brustek, baina badu itxaropena. «Aurrekoan, Frantziako hautatzaileak esan zuen irabazteko gai ginela. Guk ilusioa dugu; haiek, aldiz, presioa».

Eta nola irabazten zaio horrelako talde bati? «Ez dute beste munduko jokorik egiten, baina oso onak dira buruz buruko jokaldietan. Indartsuak dira, bizkorrak... Guk, berriz, joko orekatua dugu, defentsan zein erasoan; gure jokoan ez dago puntu beltz handirik».

ASBk, gainera, ilusioa du alde. «Oso pozik gaude; giro ona dugu taldean. Gure indarguneetako bat da». Taldearen sare sozialetan murgiltzea nahikoa da hala dela jakiteko, ez baita ospakizun eta abesti bideorik falta. Tradizioa dira. «Klubean iraganean egon ziren jokalariek idatzitako kantuak dira, eta jokalari berri guztiek ikasi behar dituzte. Taldean bospasei euskaldun daude, baina jokalari guztiek ikasi behar dituzte buruz abesti horiek: gure nortasunaren oinarria dira». Ea etzi garaipenaren kantua abesterik duten. «Gustura luzatuko dugu gure abentura beste aste batez».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Murga eta Tapia jarduneko sailburuak, gaur, Eusko Jaurlaritzaren Bilboko egoitzan. ©Javier Zorrilla / Efe

Eusko Jaurlaritzak neurri murriztaileak ezarriko ditu pilaketarik ez sortzeko

Andoni Imaz

Tapia jarduneko sailburuak adierazi du «agertoki berri bat» iritsiko dela, eta osasun larrialdia ezartzeak ez duela esan nahi iragan hilabeteetako neurriak hartuko dituztenik. Jendea ez pilatzeko, edukiera murriztuko dute zenbait lekutan, eta ordutegiak mugatuko dituzte.

Bilboko Zorrozgoiti zahar etxeko egoiliar bat, atzo. ©MIGUEL TOÑA / EFE

Etsipena, beldurra eta nekea zahar etxeetan

Aloña Beraza Peña

Zahar etxeetako kutsatzeek gorakada nabarmena izan dute azken asteetan, eta langileak beldur dira ez ote diren itzuliko gaitzaren lehenengo olatuko egoerara. Egoiliarren artean ere kezka da nagusi.

Salvador Illa Espainiako Osasun ministroa, atzoko agerraldian. ©CHEMA MOYA / EFE

Jaurlaritzak osasun larrialdia ezarriko du astelehenetik aurrera

Irati Urdalleta Lete - Olatz Esteban Ezkati

Tapia eta Murga sailburuek gaurko agerraldian emango dituzte xehetasunak. Madrilek hartu ditu lehen neurriak, egoera epidemiologikoak okerrera egin duela eta: tabernek 01:00ean itxi beharko dute, eta gauerditik aurrera ezingo da bezero gehiagorik sartu. Kalean erretzea ere debekatuta egongo da, bi metroko tartea bermatu ezin bada.

 ©ARITZ LOIOLA / FOKU

«Martxoko egun zailenetan PCRak orain bezala eginda, 6.000 kasu izango genituen»

Maite Asensio Lozano

Pandemiaren jarraipena egiten ari den lantaldeari esker COVID-19aren transmisioa moteldu egin dela uste du Ignacio Garitano epidemiologoak. Bigarren olatua iritsi dela berretsi du, baina orain askoz positibo gehiago detektatzen direla nabarmendu du.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna