Sanjoseak Bakion

Ahoa busti aitzin, topa

Bakioko txakolinaren 2018ko uzta aurkeztuko dute gaur San Jose eguneko azokan. Hiru upategik 130.000 litro ekoitzi dituzte guztira
Txakolinaren uzta berriaren aurkezpenak jende andana batzen du urtero Bakion.
Txakolinaren uzta berriaren aurkezpenak jende andana batzen du urtero Bakion. BERRIA Tamaina handiagoan ikusi

Zihara Jainaga Larrinaga -

2019ko martxoak 19

Neguaren azken txanpan, udaberria iristearekin batera, urteko txakolinaren uzta berriak lehen agerpena egiten du urtero Bakioko San Jose eguneko azokan (Bizkaia). Jai eguna izanik, espero da gaurkoan jendea bertaratuko dela Bizkaiko kostaldeko herrira.

Bakioko turismo bulegoak emandako datuen arabera, joan den urte hasiera ohi baino euritsuagoa izanak eragin zuzena izan zuen mahastien loraldian, eta, horren ondorioz, aurtengo txakolina egiteko beharrezko mahats aleak txikiagoak izan dira. Euriteak ia udan sartu arte luzatu ziren; udak, baina, ohi bezalako garapena izan zuen, eta iraileko hirugarren astean hego-haizea sartu zen. Horiek horrela, mahatsa baldintza egokietan umotu zen, eta ekoizleek adierazi dute gustura daudela jasotakoarekin.

Iazko uztako botilari kortxoa ofizialki kentzeko eguna izango da gaurkoa. Lau etxek produzitzen dute Bakioko Bizkaiko Txakolina izena duen ardoa: Abiok, Gorrondonak, Zabalak eta Basartek. Azken horrek, baina, ez zuen uztarik ekoitzi iaz, eta ez dira izango gaurko azokan. Gainontzeko hirurek 129.874 litro ekoitzi dituzte iazko uztarekin, eta lau txakolin mota ekoitzi dituzte. Txakolin zuria gehien, 118.200 litro, eta beste hirurak, askoz gutxiago: berezia (aparduna), 6.000 litro; beltza, 5.474 litro; eta gorria, 200 litro. Aurreko urteko datuekin alderatuz, litro kopuruak behera egin du. Azaldu dutenez, joan den urtean euriteek eragindako luiziek eta mahastien etekin txikiak kalte egin diete Bizkaiko eremu goiztiarrei; Bakio da eremu horietako bat.

Bestalde, adituek zehaztu dute inguruko upeltegietan ekoitzitako aurtengo muztioak usain garbikoak direla; etekin txikiagoko lursailetan hazitako mahatsek, aldiz, alkohol graduazio altuagoa dute, gaineratu dutenez, etan horrez gain, neurriko garraztasuna dute. Bestalde, diotenez, 2018ko uzta gordetzeko modukoa izango da, eta eboluzio ona izango du denboran.

Txakolinaz beste

Urtero, Bakioko San Jose jaietan, antolatzaileek txakolinaren aitabitxi edo amabitxi bat aukeratzen dute. Aurtengoa Onintza Enbeita bertsolaria izango da, 2018ko Bizkaiko Bertsolari Txapelketako irabazlea, hain zuzen ere. Bakioko herritarrek proposatu zuten bertsolaria. 13:00etan izango da ekitaldia nagusia, eta, amabitxiak txakolin berria dastatu aurretik, guztiek batera egingo dute topa, kopak altxatuta.

Txakolinarekin mokadu bat ahoratu gura duenak aukera izango du 10:30etik aurrera, karpako erakusmahaietan: gazta, Urdaibaiko produktuak, ogi ekologikoa, txerrikiak... Horrez gain, 12:00etan Artxandako Txakoli Simon jatetxeko Oscar Garcia txakolin gorriz egindako sukalkia prestatzen ibiliko da goizean goizetik. Txistularien doinuek alaituko dute atsedenaldia. Umeek pottokan ibiltzeko aukera ere izango dute goizean.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Iruñeko ospitaleko osasun langileak, gaixo bat artatzen babeserako ekipamenduekin, artxiboko irudi batean. ©MARISOL RAMIREZ / FOKU

«Tentsioa» ospitaleetan

Olatz Esteban Ezkati

Beste 505 kasu atzeman dituzte Hego Euskal Herrian. Gaitza zuten zazpi pertsona hil ziren iragan astean Araban, Bizkaian eta Gipuzkoan. Zamudioko zahar etxe batean 18 positibo izan dira

 ©JON URBE / FOKU

«02:00etan, festak ezin du segitu eremu pribatuetan»

Aitor Biain

Herritarren parte hartze handiagoa eskatu dute ostalariek, ardura guztia beren bizkar izan ez dadin. Ataka estuan direla ohartarazi dute, eta babes ekonomikoa galdegin diote administrazioari, helegitea onartu edo ez.

Kezka adierazi dute lehen arretako hainbat langilek. Argazkian, Bilboko Areilza anbulatorioa. ©ARITZ LOIOLA / FOKU

«Osasun sistemak eztanda egingo du»

Maialen Arteaga

Lehen arretako zentroen estutasunak azaleratu ditu COVID-19ak, eta aspaldiko aldarriak hauspotu ditu. Pandemiaren «bigarren olatua» iritsi dela aitortu du Eusko Jaurlaritzak, baina osasun etxeetan langileen erdiekin eta «lan gainkargarekin» dabiltzala salatu dute.

Bizkaiko zahar etxe bateko egoiliarrak artxiboko irudian. ©Marisol Ramirez/FOKU

Hemezortzi kasu atzeman dituzte Zamudioko zahar etxe batean

Berria

Donostiako eta Bilboko bi zahar etxeetan ere positiboak izan dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna
Zihara Jainaga Larrinaga

Informazio osagarria