Sexu erasoen aurkako informaziogunea, gainezka

Egunero, ilara luzeak sortzen dira Gazteluko plazan, indarkeria matxistaren aurkako informaziogunearen aurrean. Bertan, Eraso sexistarik gabe, Iruñea aske kanpainari buruzko informazioa eta materiala jasotzeaz gain, herritarrek aukera dute aholkularitza zerbitzua jasotzeko eta, sexu eraso baten biktima edo lekuko izan badira, Iruñeko Udalaren baliabideetara jotzeko. Atzo, emakumezko batek salaketa bat jarri zuen, gizon batek eginiko ukituengatik. Oraingoz, sei salaketa jarri dira sanferminetan.