Albistea entzun
Emakumeen aurkako indarkeriari ez
Emakumeen aurkako indarkeriari ez
Emakumeen aurkako indarkeriari ez

Barrurako begiradak Boisen

Emozioak, memoria eta generoa landuko dituzte igandera arte Boisen antolatutako kongresu batean. Euskal Herriko eta AEBetako ikerlariak bilduko dira. Bideoa, albistearen bukaeran.

Nagore Rodriguez -

2018ko martxoak 15

Emozioek oroitzapenak eragiten dituzte, eta oroitzapenek, emozio sakonak. Gizakien arteko harremanetan emozioek eta oroitzapenek duten garrantziaz hitz egingo dute gaurtik igandera bitartean Boisen (AEB). Kulturak, gizarteak, generoak... harreman horietan duten garrantzia ere aztertuko dute. Horretarako, hainbat ikerlari batuko ditu Memory and emotion. Women's stories: constructing meaning from memory jardunaldiak (Memoria eta emozioa. Emakumeen istorioak: memoriatik esanahia eraikitzen). Horietako asko Euskal Herritik joandakoak: EHUtik, Mondragon Unibertsitatetik eta Deustuko Unibertsitatetik. Haiekin batera, AEBetako unibertsitateetako ikerlariak. 35 hizlari guztira.

Boiseko Unibertsitateko Munduko Hizkuntzen Departamentuak eta Eloise Garmendia Bieter Euskal Ikasketetako katedrak antolatu dituzte jardunaldiak. Larraitz Ariznabarreta eta Nere Lete dira arduradunak. Boise State unibertsitateko Euskal Ikasketen Saileko irakasleak dira biak.

Eloise Garmendia Bieter Euskal Ikasketetako katedrak antolatutako nazioarteko lehen kongresua izango da. Boiseko Unibertsitateak tradizio handia du euskal gaietan, baina kongresuarekin ikusgarritasuna eman nahi diete, Leteren esanetan: «Kongresuaren eremua zabaltzeak euskal gaiak exotizaziotik aldentzen lagundu dezakeela uste dugu». Kongresua, baina, ez da unibertsitatera mugatuko. Boiseko komunitateak ere parte hartuko du. Hitza hartuko dute, esaterako, bertako emakume errefuxiatuek. «Haien aurkezpena izango da kongresuaren gailurra», nabarmendu du Letek.

Emakumeak, ETA, amonak...

Hainbat ikerlari eta hizlari joan dira Euskal Herritik Boisera. Haiekin harremana eta elkarlana estutu nahi du Boiseko Unibertsitateak. Euskal Herritik joandako ikerlarien artean dago Mari Jose Olaziregi EHUko irakaslea, emakumezkoek idatzitako euskal narratibaz ariko da larunbatean. Beyond the Motherland: Memory and Emotion in Contemporary Basque Women's Fiction hitzaldia emango du (Memoria eta emozioa emakumezkoen euskal fikzio garaikidean).

Gehienbat Arantxa Urretabizkaiaren Koaderno gorria lanean oinarrituko da. Emakume bat bere senar eta haurrak utzi beharrean dago. Istorio horretatik abiatuta ariko da Olaziregi. Amatasuna eta generoen rolak aztertuko ditu. Olaziregik azaldu duenez, lan horretaz gain, euskal emakumezkoek idatzitako beste hainbat testu aztertuko ditu hitzaldian. 36ko gerrari buruzkoak: Uxue Alberdiren Aulki jokoa, Garbiñe Ubedaren Hobe isilik... ETAri buruzkoak: Laura Mintegiren Nerea eta biok, Agurtzane Juanenaren Esan gabe neukana eta Eider Rodriguezen Politika Albisteak ipuina.

Emakumeen rolaz eta, batez ere, amonen garrantziaz hitz egingo du Monika Madinabeitia Mondragon Unibertsitateko irakasleak, bihar. Migrazio kasuetan amonek duten rola «garrantzitsua» dela uste du, eta orain arte gutxi aztertu dela. Frank Bergon idazle euskal-amerikarraren Petra Amoroto amona hartuko du hizpide. «Identitatearen transmisioan amonen rol garrantzitsua aldarrikatu nahi dut», azaldu du Madinabeitiak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Netflix Euskaraz herri mugimenduaren agerraldia, Durangon, apirilaren 17an. ©Endika Portilo / Foku

Ikus-entzunezkoen legeak ez baditu kuotak ezartzen, ERCk ez ditu babestuko Espainiako aurrekontuak

Paulo Ostolaza

«Hizkuntzaren gaiarekin ERCri adarra jotzea negozio txarra da», adierazi du Gabriel Rufian subiranisten bozeramaileak. Legea bere horretan onartuko balitz, Netflixek, Disney Plusek, HBO Maxek eta Amazon Prime Videok ez lukete edukiaren %6 gutxienez euskaraz, katalanez edo galegoz izan beharko.

 ©JON URBE / FOKU

«Egin kontu: ez daukat gonarik, ez mototsik, baina liburuzaina naiz»

Enekoitz Telleria Sarriegi

Topikoen kontrako borrokaz eta liburutegien egiteko berriez ari da Juarez. Muskizko liburuzaina da, eta haien elkarteko burua. 30 urte bete ditu elkarteak berriki. 'Antolatzearen diziplina' liburua itzuli dute.
1 ©JAIZKI FONTANEDA / @FOKU

Olibak jaso, olioa egiteko

Amaia Ramirez de Okariz Kortabarria

Euskal Herrian ere badira olibondoak eta badago oliba olioa. Nekazariak eta dolareetako langileak buru-belarri dabiltza lanean azken asteetan, aurten jasotako uzta olio bihurtzen.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.