Martxoaren 8an, greba feminista. Iritzia

Aniztasuna erdigunean

Leire Idarraga Espel - FeministAldeko kidea

2019ko martxoak 3

Bizitzak erdigunean! Horixe da aurtengo greba feministaren leloa. Bi hitz eta harridura marka. Elementu gutxi ditu, eta, hala ere, bere baitan emakumeon aldarri guztiak biltzen dituen leloa da, bizitza zentroan jartzeak sistemaren egituraketa guztiari eragiten baitio. Lelo horren pean aniztasun funtzionala dugun emakumeon oihua ere badago. Izan ere, egunez egun, kapazitismoak eragiten dituen jazarpen-mota ezberdinei aurre egin behar diegu, oztopo-lasterketa amaigabean.

Kapazitismoaren errezeta sinplea da: hasteko, pertsonak sailkatzeko eskema aplikatzen da; zentroan «gorputz ahaldunak», langile produktiboak, edertasun ereduekin bat datozenak. Ertzetan, «ez-ahaldunak», lan munduaren erritmo frenetikoari eutsi ezin diotenak, itsusiak. Behin sailkapena eginda, funtsezkoa da hura erreproduzitzea, eta horretarako, estereotipoz beteriko etiketak ditugu eskura: elbarria, desgaitua, anormala, berezia.

Horrekin guztiarekin eraikitzen dugu normaltasuna, egungo gizartearen fikzio handienetariko bat. Ez dago inor normaltasunaren parametro guztiak beteko dituenik, eta, hala ere, sailkapen horrek gure bizitzak baldintzatzen ditu. Izan ere, normaltasunaren azterketa ez gainditzeak eragiten baititu patologizazioa eta bazterkeria; finean, oinarrizko eskubideen urraketa.

Etiketa horren zama daramagun emakumeontzat bazterketak hamaika aurpegi ditu, eta etengabe elkar gurutzatzen dira. Hiri eta garraiobideen diseinuek gure jarduna oztopatzen dute, osasun zerbitzuek umetzen gaituzte, lan merkatuaren egituraketa kapitalistak ez digu aukerarik ematen, komunikabideek ikusezin bihurtzen gaituzte. Partaidetza politikorako espazioetan lekua eta ahotsa izatea ere erronka da, maiz, erabiltzen diren erritmo zein lengoaietan ez baitugu lekurik.

130 kiloko aulki motordunaz baliatzen naiz munduan barrena ibiltzeko. Hortaz, ni etiketatzeko jendeak segundo bakar bat besterik ez du behar. Jaso izan ditut begirada paternalistak. Etorkortasunez beteriko komentarioak. Zuhurtzia falta duten galderak. Tarteka ere, aukera izan dut besteen ezjakintasunetik jaiotzen diren egoera dibertigarriak bizitzeko. Egoera horiek guztiek indartu dute nire ikuskera; ezgaitasuna duten pertsonei buruz hitz egiteari utzi behar diogu, ezgaitzen duen jendarteari buruz hitz egiten hasteko.

Martxoaren 8an bizitzeko modu berriak eraikitzeko helburuarekin aterako gara kalera. Egun horretan, «ezgaitu» etiketa duen emakumea naizen heinean, fikziozko normaltasuna ezbaian jartzera aterako naiz. Guztion zaurgarritasuna aldarrikatuko dut, jarri nahi dizkiguten muga eta inposaketetatik haratago, argi baitut gorputza sormen eta eraldaketa espazioa izan daitekeela, disidentziarako espazio politikoa. Egun horretan, «ezegokiak» diren gorputzen artean aliantzak sortzera goaz, askotan ezeztatu diguten espazioa okupatu eta ikusgai egitera, guztiok partekatzen dugun aniztasuna zentroan jartzeko.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Bilboko Udaletxea, artxiboko irudi batean ©Luis Tejido/ Efe

Bilbo eta beste hemeretzi udalerri itxiko dituzte bihar

Berria

Arabako, Bizkaiko eta Gipuzkoako hogei herrik dute azkeneko hamalau egunetan 100.000 biztanleko 500 kasu baino gehiago, eta itxi egingo dituzte bihar. Ostalaritza ere itxi egingo dute herri horietan. Tartean dira Bilbo, Elorrio, Azpeitia, Pasaia, Zumarraga eta Legutio. Soilik Deba aterako da eremu gorritik.

"Jotzera egingo dugu tiro"

«Jotzeko egingo dugu tiro»

Edu Lartzanguren - Maider Galardi F. Agirre

Donostiako lau gazte atxilotu zituzten atzoko istiluetan, eta Ertzaintzak ez du baztertzen gehiago atxilotzea. Bideo bat zabaldu da sare sozialetan: ertzain batek agintzen du «jotzeko tiro» egiteko. Bederatzi zauritu daudela esan du Segurtasun Sailak.

Baheketak Durangon (Bizkaia), artxiboko irudi batean. ©Marisol Ramirez, FOKU

1.340 kasu positibo atzeman dituzte Hego Euskal Herrian

Uxue Rey Gorraiz

Osakidetzak eta Osasunbideak ia 17.000 test egin zituzten atzo, eta horien %8k eman dute positibo: 1.340k. Laugarren egunez jarraian, handitu egin da egun bakarrean zenbatutako positibo kopurua.

Josu Zubiaga Eusko Jaurlaritzao Segurtasun sailburuordea ©ARITZ LOIOLA / FOKU

Zubiagak dio prozeduraren parte dela pertsonei tiro egitea

Maider Galardi F. Agirre

Donostiako Parte Zaharreko Gazte Asanbladak salatu du auzotar asko zauritu zirela atzo. Udalak, berriz, «gertaera tristea» deitoratu du.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.