Euroaren eremua %0,2 hazi da, uste baino hobeto
Ezkor ziren adituak. Bloomberg agentziak galdetutako ekonomista gehienek uste zuten hirugarren hiruhilekoan ekonomiak %0,1 atzera egingo zuela. Azkenean, Eurostat estatistika erakundeak aurreratu duenez, %0,2 handitu da barne produktu gordina uztailetik irailera, bigarren hiruhilekoko erritmo berean. Urte arteko tasa aintzat hartuta, hazkundea %1,1ekoa da. Ez da hazkunde sendoa, baina bederen iragarpen ezkorrak astindu ditu gainetik euroaren eremuak oraingoz, eta aurreko hilabeteetako bide beretik segitzen du hazten, motel baina iraunkor.
Iruzkinak
Ez dago iruzkinik
Ordenatu