Euskara, Interneteko plazan finkatzen

Interneten nazioarteko eguna zen atzo, eta, hori baliatuz, euskarazko Interneten hirugarren eguna ospatu zuten Donostiako Miramon teknologia parkean. Puntueus fundazioak antolatutako jaialdian, Munitibar eta Aulesti herriak saritu dituzte. Lehendabizikoa da webgune bakoitzeko euskara gehien duen herria, eta bigarrena, herrian erregistratutako domeinu bakoitzeko .eus gehien duena. Ekitaldiaren aurretik, Udako Euskal Unibertsitateak antolatutako Informatikari Euskaldunen XI. Bilkura egin zuten Miramonen. Aurten, burujabetza teknologikoa izan dute hizpide, eta informatikariek izandako esperientziak ere bildu dituzte.