Korrika, itsas kulturaren faktorian

Igande goizean, itsasoz iritsi zen 19. Korrikaren lekukoa Pasai San Pedrora (Gipuzkoa): une batez furgonetak utzita, itsasontziz heldu ziren Albaola itsas kultur faktoriara. San Juan baleontzia eraikitzen ari dira bertan, 2016rako bukatzeko erronkarekin. Haren gainetik pasatu ziren korrika lekukoaren eramaileak, Albaola barnetik. Bertan zen, besteak beste, Jon Maia bertsolari eta Albaolako arduradunetako bat.