IRITZIA

'Game of Thrones' osteko ezustekoak

Bastian Ughetto gidoilari eta aktorea, <em>L'effondrement</em> telesailaren irudi batean. Urteko ezustekoa izan da lan hori.
Bastian Ughetto gidoilari eta aktorea, L'effondrement telesailaren irudi batean. Urteko ezustekoa izan da lan hori. BERRIA Tamaina handiagoan ikusi

Urtzi Urkizu -

2020ko uztailak 31

Pandemia baten erdian, gorantz egin du L'effondrement fikzioaren balioak. Zortzi atal, zortzi plano sekuentzia, munduaren akaberaren aurrean gizakiek nola erreakzionatu dezaketen erakusteko. Les Parasites taldearen lana denboraldiko lehergailua da. Ezinbestekoa. Izan dira bestelako ezustekoak Game of Thrones osteko lehen denboraldian —guztiak ez dira lerrootan kabituko—, baina arrastorik sakonena utziko duena da L'effondrement.

Pandemiako garaiotan agerian geratu da komunikazio enpresa handiek duten boterea. Botere gosea eta azpijokoen jukutria Succesion telesaileko bigarren denboraldian gorpuzten dira, drama eta komedia uztartuz. Lehen denboraldia aparta zen, baina bigarrena are gozagarriagoa izan da ikus-entzulearentzat. Patriarka bat, eta haren seme-alabak lekukoa hartzeko borrokan.

Zientzia fikziozko generoko zaleentzat, Devs izan da ezustekorik harrigarriena. Izan ere, Westworld-en hirugarren denboraldia dezente hobea izan da bigarrena baino, akzioz betea; ez da iritsi, ordea, Devs harribitxiaren kolpera.

Emmy sarietarako hautagaitza gehien bereganatu duen telesaila Watchmen izan da: 26. Askotariko iritziak sorrarazi ditu Alan Mooreren komikian oinarritutako lanak —sortuko dituenak, gerora ere—. Une askotan zur eta lur uzten duen ekoizpena da Watchmen. Gorabeheratsua. Baina ikasturte honetan, pertsonaia berezienak eraiki dituenetako bat ere izan da —Regina King aktore afroamerikarraren lana ez da ahanzturan geldituko—. Black Lives Matter mugimenduaren aurretik estreinatu zen, eta litekeena da are oihartzun handiagoa eduki izana George Floyden hilketaren ondoko egunetan eman izan balute.

Izan dira nazioarteko merkatuan bestelako telesail indartsu batzuk, baina oraingoz, ez dago Game of Thrones-en tronua bereganatu duenik. Edonola ere, telebistarako fikzio lanen kopuruak goia jo du: munduan 4.600 baino gehiago ekoiztu ziren iaz.

Ez dira dena onak, noski. Ezusteko txarra eman du Alex Pinak (La casa de papel), White lines eskasak ez baitu inolako zirrararik sortu. Iruñeko beste gidoilari batek, Natxo Lopezek, istorio borobilagoa ondu du Perdida-n. Lapurtzen dituzten neskatilen generoko bat gehiago izan zitekeen, baina atalek aurrera egin ahala, nabari da istorioa ez dela errazkerian erortzen. Kolonbiako kartzelen egoera krudela erakusten du, gainera.

Emakumeen aurkako indarkeria eta aldi berean emakumeren ahalduntzea bi telesail labur bikainetan agertu da: Unorthodox eta Unbelievable. Bestalde, Drama websailak erakutsi du gazteen istorioekin zein ekoizpen erakargarriak eraiki daitezkeen. Katalanezko eta gaztelaniazko elkarrizketak modu naturalean uztartu ditu lan horrek. Feminista da eta asmatzen du gazteen bizimoduarekin konektatzen.

Emakume gazte batzuen ahalduntzea, baina umore jostalariaren bitartez, Pikuak websailak jaso du. Hiru atal txukun osatu ditu Maddi Castrok, eta atal gehiago iristea primerako albistea litzateke euskarazko fikzioarentzat. Ezusteko polita izan da Kanalduderen aurreneko websaila ere: Tantaka. Anestesiaren kontzertu batera doaz hiru gazte: haietako bat koman sartuko da, 1999an, eta handik hogei urtera esnatuko da. Idoia Rodriguez Mondragonen eta Joana Paroten websaila freskoa da, bizia, konplexurik gabekoa, zirtolaria.

ETB1era heldu zen abenduan Ihesaldia, eta zapore gazi-gozoa utzi zuen. Denbora eta ausardia gehiagorekin emaitza bestelakoa litzatekeela iradokiz. Ikusi beharko da zer emaitza lortzen duten egunotan grabatzen ari diren beste euskarazko telesailak —bata, Hondarribiko (Gipuzkoa) alardearekin lotutako thrillerra, eta bestea, Ondarroako (Bizkaia) 1980ko hamarkadan girotutakoa—. Bere xedea betetzen du, bitartean, Etxekoak udan lanak.

Nahiz eta pandemiak grabaketa asko eten dituen, ezusteko berriak iritsiko dira GOT osteko bigarren ikasturtean. Adi.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Jedea Bilboko metrotik irteten, maskara jantzita ©Luis Tejido/EFE

Berrehun positiboren langa gainditu da seigarren egunez jarraian Hego Euskal Herrian

Berria

Azken orduetan 224 kasu atzeman dituzte. Positiboetatik 123 Bizkaian detektatu dira.

Gasteizko zahar etxe bateko egoiliar bat bisita jasotzen. ©David Aguilar/EFE

Arabako eta Gipuzkoako zahar etxeetako hamar langilek positibo eman dute

Berria

Gainerako langileei eta egoiliarrei probak egin dizkiete, eta ez da kasu gehiago atzeman oraingoz.

Maskara jantzitako emakume bat Donostiako autobus geltokian, eskailera mekanikoak jaisten. ©Gorka Rubio / FOKU

Pandemiak desberdintasunak sakondu dituela dio Emakunderen txosten batek

Maddi Ane Txoperena Iribarren

Gizon eta emakumeen osasuna, ordaindu gabeko zaintza lanak, enplegua, indarkeria matxista, bazterkeria eta parte hartzea azken hilabeteotan nola aldatu diren aztertu du Emakundek. Egoera hobetzeko gomendioak egin dizkie erakundeei.

Emmanuel Macron Miarritzen (Lapurdi), artxiboko irudian. ©Bob Edme

Zaintza langileentzako sari bat hitzeman du Macronek

Oihana Teyseyre Koskarat

Adinekoez eta elbarrituez arduratzen diren zaintzaileek 1.000 euroko «COVID saria» jasoko dute. Frantziako Estatuak 80 milioi euroko diru laguntza emanen die departamenduei.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna