Albistea entzun

KRITIKA. Musika

Fededun lizuna

Jesus Mari Begoña -

2017ko otsailak 4

BOS

Zuzendaria: Andrew Gourlay. Lekua: Euskaldun Jauregia. Eguna: Otsailak 2.

Hasi da Bilboko Orkestra Sinfonikoaren denboraldiaren bigarren zatia bi estilotako konposizioekin. Atarian eta lehen aldiz tokian bertan, Fededun lizuna kontzertua izan da; Juan Jose Colomer musikariak idatzi zuen 2004an Spanish Brass metal boskotearentzat eta orkestrarako. Egilearen beraren ustez, lana sasi-tonala da; hots, «kontsonantzia eta disonantzia kontzeptuekin jolasten du». Eta haren izenburuak ez du aipatzen pertsona jakin bat, baizik eta «gutako bakoitzak dituen dualtasuna eta kontraesanak». Bada, konpositoreak ondo ezagutzen ditu metalak, eta horien ahalbideak garatzeko lekukoa da obra: tira eta bira metal boskotearen eta orkestraren artean, hots, debozioaren eta lizunkeriaren arteko sokatira. Eta horrela gauzatuko da hasierako mugimendua, Noraezean deitua. Bertan, boskotea estilo fugatuan hasi eta gero elkarrizketa sortuko da, arin, orkestra handiarekin. Boskotea luzitzeko unea heldu bezain laster jabetu ginen Spanish Brassen afinazioaz, garbitasunaz, bateratasunaz eta trebetasunaz. Bi tronpeta, tronpa, tronboia eta tubarekin, hain zuzen ere. Bigarren mugimenduan (Deskubritu), orkestraren sarrera dramatikoaren ondoren, metal bakarlariek zati polita eskaini ziguten lehenengo zatian bezala. Biluztu hirugarrenean, berriz, areagotu egin ziren arestian esandako ezaugarriak: Presto edo arineketan bi taldeek elkarrekin trukatu zituzten galdera-erantzunak, kontrasteak, kolpeak beti esandako mugimendu arinean. Andrew Gourlay zuzendariak bi taldeak elkarlanean eta zuzen kontzertatzea lortu zuen modu eraginkorrean. Doinu herrikoiaren egokitzapen birtuosoarekin eskertu zuen boskoteak publikoaren harrera beroa.

Askotan aipatu dugu BOSek duen joera sinfonia erromantikoarekin. Eta honetan ere ez du hutsik egin zuzendaritza jakintsuaren aginduz. Maiz aipatu ditugu Sergei Raxmaninofen doinu zoragarriak, batez ere piano kontzertuetan... Kasu honetan egile beraren 2. Sinfonia entzun genuen bigarren zatian eta Andrew Gourlayk ondo nahastu zuen lanaren ezagutza bertoko orkestraren prestasunarekin. Izan ere, hasieratik ondo azaldu zuten errusiarraren doinu liriko sakona eta sentimenduzkoa: erritmo aldaketak, olatuen crescendo-a, bolumen aldaketak... Atseginak izan ziren biolinen diziplina eta instrumentu desberdinek sortutako tinbreen aberastasuna. Horren adibidea izan zen, batez ere, Adagioa.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Jose Ignazio Ansorena eta Eneko Goia, gaur goizean, Donostiako udaletxeko prentsa aretoan. ©Gorka Rubio / Foku

Herritarren «zerbitzura» jotako doinuak

Itziar Ugarte Irizar

Hiru Txulo: Donostia eta txistua liburua ondu du Aritz Gorrotxategik, Donostiako Udalaren eta Ereinen eskutik. Isidro Ansorena goratu dute, Donostiako Udalaren Txistulari Taldearen zuzendari ohia.

Herritar bat, asteon, Donostiako areto bateko karteldegiari begira. ©GORKA RUBIO / FOKU

LEKUA EGIN NAHIAN

Ainhoa Sarasola - Ainize Madariaga

Zinema areto, jaialdi eta ziklo gehienetan, euskarazko filmen eta azpidatzien presentzia txikiagoa da beste hizkuntzetakoekin alderatuta. Hainbat eragilek azaldu dute pixkanaka kopuru hori handituz doala, baina ehunekoei erreparatuta, salbuespenak salbuespen, oreka lortzetik urrun dago oraindik.

Cordal, erakusketako lanetako batekin. ©Aritz Loiola / Foku

Egunero, atsedenik hartu gabe

Amaia Igartua Aristondo - Bizkaiko Hitza

Isaac Cordal artistak etengabe produktiboak izatearen beharra jorratu du ’24/7′ erakusketan. Bilboko SC Gallery aretoan dago ikusgai, hilaren 28ra arte.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.