Zadorra Bizirik plataformak salatu du Omecillo errekako urak uher datozela Espejo eta Bergonda artean (Araba). Uraren Euskal Agentziak baieztatu du hori hala dela, eta abuztuaren hasieran ikerketa abiarazi zuela horren zergatia jakite aldera, baina orain arte ezin izan dutela arazoaren jatorria atzeman. Aste honetan ere ur laginak hartu dituzte, eta inguruak ikertzen aritu dira, baina segitzen dute arazoaren sorburua topatu gabe.
Zadorra Bizirik plataformak iradoki du Espejon eraiki duten araztegi berriaren funtzionamendu eskasa izan zitekeela arrazoia. Arabako Foru Aldundiak, gezurtatu egin du hori, eta esan du araztegi berriak «bikain» funtzionatzen duela.
Uraren Agentziak dei egin die herritarrei lehenbailehen jakinaraz dezaten isuriren baten eda uraren kalitatearen gorabeheraren baten berri badute.
Omecillo errekako ura uher datorrela salatu dute
Iruzkinak
Ez dago iruzkinik
Ordenatu