«Badakite ezin dutela gure energia baliabiderik baztertu; gas naturala barne. Europarentzat ez dago arrazoizko ordezkorik». Bideokonferentzia bidez atzo egindako agerraldi batean, Vladimir Putinek beste behin azpimarratuzuen europarrak Errusiako hidrokarburoaren menpeko direla. Errusiako agintariaren ustez, hornitzaile errusiarrak merkatutik baztertzeak «ondorio mingarriak izango ditu, batez ere politika horiek bultzatzen dituztenentzat». Beste tokietatik Europara iristen diren hornidurak, «AEBetakoak adibidez, askoz garestiagoak izango dira kontsumitzaileentzat, jendearen bizi mailarentzat eta Europako ekonomiaren lehiakortasunarentzat».
Eta hori guztia «agerikoa» izanda, Putinen arabera, «Europako herrialdeak denbora guztian ari dira Errusiako hornidurak errefusatzeaz hitz egiten; horrek merkatua are gehiago desegonkortzen du, eta, hitz horiekin, haiek beraiek ari dira prezioak puzten, batez ere beren herritarrentzat».
Era berean, Putinek esan du Errusiak esportazioak dibertsifikatzen hasi behar duela, pausoz pauso, «bizkor hazten ari diren hegoaldeko eta ekialdeko merkatuetara».
Putin: «Europan prezioak haiek puzten dituzte euren hitzekin»
Iruzkinak
Ez dago iruzkinik
Ordenatu