111 Akademiaren saria Harkaitz Canori

Atzo jaso zuen Harkaitz Canok 111 Akademiaren saria, Fakirraren ahotsa eleberriagatik. 199 akademiakideren artean 102k parte hartu zuten 2018ko sariduna izendatzeko bozketan, eta, Katixa Agirreren Amek ez dute eleberria lehiakide zuela, Canoren liburua hautatu zuten gogokoen gisa. Bigarren aldia da 111 Akademiak haren obra bat saritu duela, 2011n Twist eleberria izan baitzuten gustukoen irakurleek. Hala, Ur Apalategi, Anjel Lertxundi eta Ramon Saizarbitoriarekin batera, saria bi aldiz irabazi dutenetako bat da Cano.