Bizikleta martxa euskal presoen eskubideen alde

Atzoko agerraldia, Baionan.
Atzoko agerraldia, Baionan. BERRIA

Berria -

2018ko uztailak 13
Bagoaz eta Sare elkarteek bizikleta martxa antolatu dute Orain presoak lelopean, eta euskal presoak gerturatzeko eta salbuespen egoera amaitzeko eskatuko dute, antolatzaileek atzo Baionan azaldu zutenez. Uztailaren 20tik 23ra iraganen da martxa, eta lau egunez parte hartzaileek Mont-de-Marsaneko (Okzitania) eta Zaballako (Araba) espetxeak lotuko dituzte. Etapa bakoitzak 80 kilometro izango ditu, eta abisatu dute komeni dela bizikletan ibiltzeko ohitura izatea. Hala eta guztiz ere, ibilbide guztian antolatzen dituzten ekitaldietan parte hartzera deitu dute.

Azpimarratu dute Frantziak urte hasieratik 16 euskal preso gerturatu dituela Mont-de-Marsaneko kartzelara eta Lannemezanekora (Okzitania), eta euskal preso guztiek horretarako eskubide dutela aldarrikatu. Era berean, elkarte horietako bozeramaileak Espainiari ere zuzendu zaizkio. Inaxio Oiarzabal Sareko bozeramaileak Madrilen azken asteetan entzuten diren «ahots ezberdinak» aipatu ditu, eta esan du «praktikara pasatzeko ordua» dela. Urrunketek oraindik segitzen dutela diote, eta horren adibide azken asteetan euskal presoen senideek izandako bi auto istripuak. «Ideologiaz harago, gizarte baketsu baten sortzeko, denei arduraz jokatzeko eskatzen diegu».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna
S: