JIRA

Elastikoa

Angel Erro -

2018ko ekainak 22
Demagun erabaki dudala elastiko aldarrikatzaile deigarri bat eramatea (ligatzeko bide eraginkorra izaten baita) Harrotasunaren egunean edo astean (bada jendea harrotasunaren hilabeteaz ere mintzo dena). Elastiko aldarrikatzaile edo gaytasuna ospatzen dutenetako bat. Arropa katea handietan erraz aurki daitezke salgai. Elkarteek gaztigua eman dute (beharrik ere) haietako gehienak LGTBI eskubideak gordetzen ez diren herrialdeetan eginak daudela. Beste bat zerrenda luzerako.

Umeak lan egitera behartuta dauden lantegietan fabrikatutako panpina eta jostailuak. Euskal publikoarentzat den kultur produktu erdaraz pentsatu, eztabaidatu eta aurrekoiztuak. Diktadoreek agintzen duten erregimenetan egin eta esportaturiko hautetsontziak. Eskolan irakurrarazten dituzten liburuen laburpena (pedagogo batek, liburua ere leituko ez zuenak, didaktikan adituen talde baten irizpideei jarraikiz prestatutakoa) baino ezagutzen ez duten irakasleak. Ama zaintzen duen etorkinaren konplizitatea bilatzen duen komentario mikroarrazista. Gauza bera komentario mikromatxista batekin. Aurreko biak mikro aurrezkirik gabe. Hiri bateko kultur aniztasuna aldarrikatzera eta bermatzera datozen irradiazio foko suntsitzaileak. Guztia, oso malgua.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna