Baldintzapeko askatasunean da Otsoa de Eribe

Espainiako Auzitegi Nazionaleko Espetxe Zaintzak baldintzapeko askatasuna eman dio Jose Angel Otsoa de Eribe preso eriari, hirugarren gradua ezarri eta hiru astera. Atzo arratsaldean atera zen Castelloko kartzelatik (Herrialde Katalanak), eta zain zuen sendia. Minbizia du —2015ean jakinarazi zioten gaitza—, eta61 urte ditu. Azkenaldian larritu egin zaio osasun egoera. Espetxe araudiko 196.2 artikulua erabiliz eman dio askatasuna Jose Luis Castro epaileak. 2000ko urtarriletik zegoen preso, Mexikon atxilotu ondotik. Urkabustaizkoa (Araba) da.