Gasteizko Mercedes bost egunez geratuko da

Mercedesek berretsi du Gasteizko plantaren ekoizpena geldituko duela bost egunez, urriaren 8, 9, 10 11 eta 18an. Diesel autoen inguruan munduko merkatuan zabaldu den kezkak eragin du geldialdia, zuzendaritzak esan duenez. Gasolio autoen salmentek behera egin dute nabarmen, eta joera hori Gasteizko fabrikaren ekoizpenari eragiten ari zaio. Hala, plantak uste baino 3.600 auto gutxiago ekoitziko ditu 2018. urtean.