Albistea entzun

Loiolako kuartelen leku aldaketaz hitz egiten hasi dira Donostia eta Espainia

Goia alkatea Casteleiro Defentsa idazkariarekin batu da Madrilen. Alde biek batzorde bat osatuko dute kuartelen aprobetxamendua zehazteko
Loiolako kuartelen artxiboko irudi bat.
Loiolako kuartelen artxiboko irudi bat. GORKA RUBIO / FOKU Tamaina handiagoan ikusi

Lander Muñagorri Garmendia -

2021eko otsailak 3

Loiolako kuartelak eraitsi, eta geratuko den orubean egingo den hirigintza proiektuaren baloraziorako aldebiko batzorde tekniko bat osatuko dute Donostiako Udalak eta Espainiako Defentsa Ministerioak. Atzo batzartu ziren Madrilen Eneko Goia alkatea eta Esperanza Casteleiro Defentsa idazkaria; kuartelen leku aldatzea nola egin zehazteko lehen bilera izan zen. Gaur egun Loiolan dauden kuarteletako orubea bereganatuko du udalak, eta militarrek 700 metrora dagoen hipikara eramango dute euren egoitza.

Loiolako kuartelak dauden lursaila hirigintza proiektu batera bideratzeko nahia aspaldikoa da Donostian, eta hala lortu zuen EAJk iazko azaroan. 2021eko Espainiako Gobernuaren aurrekontuak babestearen truke hitzartutako akordioetako puntu bat izan zen hori. Lursailengatik ordaindu egingo zaio Defentsa Ministerioari, eta bere esku utzi dute militarrak nora lekualdatu erabakitzea. Orubea eskuratzeko akordioaren berri izan bezain pronto esan zuen ministerioak nora joango ziren Espainiako militarrak, auzoan dagoen hipikara —haienak dira lur horiek ere—. Gaur egun, kuartelean 500 militar inguru daude.

Gaur-gaurkoz, ez dago argi lursail horretan zein hirigintza proiektu bideratuko duen Donostiako Udalak. Dena den, azaroaz geroztik gaiari buruz hitz egin duenean, Goiak esan du etxebizitza babestuak egin nahi lituzkeela bertan. Hain zuzen ere, 1.600 etxe inguru egin ditzaketela ere zabaldu izan da. Auzoan eragin nabarmena izango luke horrek, 2019ko datuen arabera, 5.000 biztanle bizi baitira.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Ertzaintzak egindako ikerketaren zenbait pasarteren irudiak. ©BERRIA

Ertzaintzak lurralde antolaketaren aurkako delitua ikusi du Zaldibarren

Iñaki Petxarroman

Durangoko epaitegiari helarazitako ikerketa baten arabera, zegokion baino lur eremu zabalagoa erabili zuen Verter Recycling SM enpresak, Jaurlaritzaren eta Zaldibarko Udalaren baimenik gabe
 ©ENDIKA PORTILLO / FOKU

Dozenaka lagun Iruñean, «esklusibitatearen alde eta osasunaren pribatizazioaren kontra»

Ion Orzaiz

Nafarroako Osasun Plataformak deituta, Osasunbidearen egoitzaren aurrean elkartu dira dozenaka pertsona, «osasun publikoa parasitatu nahi dutela» salatzeko

 ©MARISOL RAMIREZ / FOKU

«Osatu dugu minbizia? Oraindik ez, baina asko laguntzen ari gara»

Irati Urdalleta Lete

Aparteko kezka sortzen duen gaitza da minbizia, eta hori ikertzen aritzen da Zubiaga. Gaixoen biziraupena hobetuko bada, hiru norabidetan lan egiteko beharra ikusten du: diagnostiko goiztiarra, terapia zuzenduak eta txertoak.
AHTaren aurka 2010ean eginiko manifestazioa, Hendaia eta Irun arteko zubian. ©BOB EDME

Trenbidearen berritzea, abiadura lortzeko

Garazi Aduriz Zuñeda

Bordeleko, Baionako eta Irungo auzapezek trena berritzearen aldeko deia egin zutenetik, AHTaren eztabaida pil-pilean da Ipar Euskal Herrian. AHTaren aldekoak zein trenbidea berritzearen aldekoak beren argudioak mahai gainean jartzen ari dira proiekturik eraginkorrenaren bila.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.