Eguberri egunean sexu eraso bat egin ziotela salatu du andre batek Barakaldon

Argitan zentroak gaur egingo duen protestan parte hartzera deitu du udalak. Haurren aurkako sexu abusuak gaitzetsi dituzte Basaurin

Barakaldon iaz bortxa sexistaren aurka egindako protesta bat.
Barakaldon iaz bortxa sexistaren aurka egindako protesta bat. M. DEL VALLE / FOKU Tamaina handiagoan ikusi

Maite Asensio Lozano -

2019ko urtarrilak 13

Abenduaren 25ean Barakaldon (Bizkaia) izandako eraso sexista bat ikertzen ari da Ertzaintza. Emakumeak atzo jarri zuen salaketa, udalak jakinarazi duenez. Eguberri eguneko goizaldean gertatu zen erasoa, kalean: andrea bortxatzen saiatu zirela azaldu du udalak, xehetasun gehiago eman gabe.

Emakumeak jasandako «eraso sexista irmoki gaitzetsi eta arbuiatu» egin du Amaia del Campo Barakaldoko alkateak. Salaketaren berri izan ostean, talde politikoetako bozeramaileek bilera egin zuten udaletxean, eta gaitzespen ohar bat onartu zuten: «Emakumeok, eta gizonok ere bai, gero eta gehiago ozentzen dugu gure ahotsa eraso sexisten aurka. Espero dugu mezu hau iristea emakumeen askatasuna eta berdintasuna errespetatzen ez dutenengana, andreok behingoz kalean lasai eta beldurrik gabe ibili ahal izateko». Era berean, babesa adierazi diote biktimari, eta haren esku jarri dituzte udalaren baliabideak.

Erasoa kalean gaitzesteko deia egin du Argitan-ek, emakumeentzako aholkularitza zentroak: elkarretaratze bat egingo dute gaur, 13:00etan, Herriko Plazan. Protesta horretan parte hartzeko eskatu du udaleko bozeramaileen batzordeak.

Bestalde, Basaurin (Bizkaia) manifestazio bat egin zuten atzo arratsaldean, haurren aurkako sexu abusuak gaitzesteko. Babesa helarazi zieten herriko futbol entrenatzaile baten aurkako salaketak aurkeztu dituzten sei lagunei, eta erakunde publikoen «utzikeria» salatu zuten: «Ez dute ezer egin».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Pertsona batzuk maskararekin pasa den astean, Orion (Gipuzkoa). ©Jon Urbe / FOKU

Getariako Udalak, hiru kasuren berri eman, eta Osasun Sailaren jarrera salatu du

Amaia Ramirez de Okariz Kortabarria

Eusko Jaurlaritzako Osasun Sailari eskatu diote zuzenean emateko egon daitezkeen positiboen berri eta hartzeko herritarrak babesteko hartu beharreko neurriak. Azpeitiko (Gipuzkoa) Udala ere kezkatuta dago.

Sanferminak bertan behera geratu diren arren, zuri-gorriz jantzitako gazte bat, maskararekin, Iruñean. ©Jesús Diges

Koronabirusaren agerraldiak

Berria

Koronabirusaren aurreneko olatua makaldu eta konfinamendua arintzen hasi ondoren agerraldi gehiago ditu gaitzak. Ekainetik aurrera gutxienez hamahiru agerraldi izan ditu COVID-19ak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna