Maiatzaren 24 eta 25erako mobilizatzera deitu du Bizik, klimaren alde

Tram'Busaren Miarritzeko obretan ingurumenerako diru laguntzak «desbideratuak» izan direla salatu du talde altermundialistak
Biziko kideen ekintza, atzo.
Biziko kideen ekintza, atzo. G. FAUVEAU Tamaina handiagoan ikusi

Ekhi Erremundegi Beloki -

2019ko maiatzak 16

Datorren astean klimaren alde munduko hainbat lekutan egingo diren mobilizazioetan parte hartzeko deia egin zuen atzo Bizi mugimenduak. Maiatzaren 24an eta 25ean izanen dira. Ostiralean ikasleek greba eginen dute, eta larunbatean, bi martxa izanen dira: bat Donibane Garaziko Herriko Etxearen aitzinean, 15:30ean; eta bestea, Baionako auzitegiaren aitzinean, 15:00etan.

Halaber, «eskandalu etiko eta ekologiko bat» salatu zuten atzo Miarritzen (Lapurdi) egindako agerraldian. Berriki obra bukatu duten Viktoria Erreginaren etorbidean izan zen: noranzko bakarra du autoentzat, alde banatan aparkatzeko aukerarekin; ez autobusek, ez bizikletek ez dute bide bereziturik. «Tram'Busaren proiektua egin zutenean, autobusentzako bide berezitua Miarritzeko erdiguneraino iritsi behar zela erabaki zuten. Etorbide hau Tram'Bus proiektuaren diruarekin ordaindua izan da, baina autoari ematen dio lehentasuna», salatu du Txetx Etxeberri Biziko koordinatzaileak.

Alta, Bizik azpimarratu du Ingurumenaren Grenelleko 20 milioi euroko laguntza —estatuak ematen ditu— lortu zuela Tram'Busaren obrak. Atzo ekintza sinbolikoa egin zuten, etorbidean, bizikletentzat karrika debekatua dela erakusten duen seinalearen aitzinean, hau margotuz: Hemen Ingurumenaren Grenelleko dirua desbideratzen da. Herriko Etxeak sare sozialetan erantzun zien, erranez mugikortasun eskaintza moderno bat eraikitzera «engaiatuak» direla.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Murga eta Tapia jarduneko sailburuak, gaur, Eusko Jaurlaritzaren Bilboko egoitzan. ©Javier Zorrilla / Efe

Eusko Jaurlaritzak neurri murriztaileak ezarriko ditu pilaketarik ez sortzeko

Andoni Imaz

Tapia jarduneko sailburuak adierazi du «agertoki berri bat» iritsiko dela, eta osasun larrialdia ezartzeak ez duela esan nahi iragan hilabeteetako neurriak hartuko dituztenik. Jendea ez pilatzeko, edukiera murriztuko dute zenbait lekutan, eta ordutegiak mugatuko dituzte.

Bilboko Zorrozgoiti zahar etxeko egoiliar bat, atzo. ©MIGUEL TOÑA / EFE

Etsipena, beldurra eta nekea zahar etxeetan

Aloña Beraza Peña

Zahar etxeetako kutsatzeek gorakada nabarmena izan dute azken asteetan, eta langileak beldur dira ez ote diren itzuliko gaitzaren lehenengo olatuko egoerara. Egoiliarren artean ere kezka da nagusi.

Salvador Illa Espainiako Osasun ministroa, atzoko agerraldian. ©CHEMA MOYA / EFE

Jaurlaritzak osasun larrialdia ezarriko du astelehenetik aurrera

Irati Urdalleta Lete - Olatz Esteban Ezkati

Tapia eta Murga sailburuek gaurko agerraldian emango dituzte xehetasunak. Madrilek hartu ditu lehen neurriak, egoera epidemiologikoak okerrera egin duela eta: tabernek 01:00ean itxi beharko dute, eta gauerditik aurrera ezingo da bezero gehiagorik sartu. Kalean erretzea ere debekatuta egongo da, bi metroko tartea bermatu ezin bada.

 ©ARITZ LOIOLA / FOKU

«Martxoko egun zailenetan PCRak orain bezala eginda, 6.000 kasu izango genituen»

Maite Asensio Lozano

Pandemiaren jarraipena egiten ari den lantaldeari esker COVID-19aren transmisioa moteldu egin dela uste du Ignacio Garitano epidemiologoak. Bigarren olatua iritsi dela berretsi du, baina orain askoz positibo gehiago detektatzen direla nabarmendu du.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna