Sare sozialetako bere kontuak blokeatuta eta bere abokatuekin haserre, hala igaro zuen atzo Donald Trump AEB Ameriketako Estatu Batuetako presidente ohiak epaiketa politikoaren lehen eguna. Trump Mar-a-Lagoko (Florida) bere etxean dago iragan hilabetean Etxe Zuria utzi zuenetik, eta atzora arteko egun guztiak golfean jokatzen igaro ditu.
AEBetako hedabideen arabera, estatuburu ohiak aste osoa pasatuko du telebistari begira, Senatuko prozesua ikusten. CNNk haren abokatu Bruce Castrori galdetu zion Trumpen iritziaz, eta gezurtatu egin zuen bezeroa haserre dagoenik.
Iazko impeachment-arekin konparatuta, presidente ohiak oraingoan ez du erreakzio publikorik emango, printzipioz; iragan urtean, egun bakarrean epaiketari buruzko 142 txio idatzi zituen Twitter sare sozialean.
Trump etxetik ikusten ari da epaiketa, haserre
Iruzkinak
Ez dago iruzkinik
Ordenatu