Noiz sortua: 2018-07-19 00:30:00

Gipuzkoako Diputazioak 330 lanpostu eskainiko ditu

Diputatuen Kontseiluak urrian onartuko ditu 2018ko oposizioak, eta azaroan kaleratuko dira. Datozen hiru urteotan egingo dira azterketak

Ane Lamarka Etxeberria -

2018ko uztailak 19

Atzo goizean, Imanol Lasa Gipuzkoako Foru Aldundiko bozeramaileak azaldu zuen lan eskaintza publiko «masiboa» egingo dela datozen hiru urteotan: 330 lanpostu publiko eskainiko dira. Oposizioetan lanpostu hauek izango dira bereziki: administrazio orokorreko teknikariak, ekonomialariak, informatikariak, erdi mailako teknikariak eta administrariak. Diputatuen Kontseiluak urrian oposizio horiek onartu eta azarorako lehen oinarriak kaleratuko ditu. Bada beste berrikuntzarik ere: lehen aldiz, adimen urritasuna dutenei zuzendutako hiru lanpostu eskainiko dituzte.

Nafarroan ere oposizioak

Nafarroako Gobernuak oposizioak onartu zituen atzo ere: 996 plaza guztira Osasun Departamentuan eta Administrazioan. Nafarroako Gobernuak proposamenaren berri eman zuenean, eskaintza «urriegia» zela salatu zuen Dabid Anaut EH Bilduko parlamentariak. Horietatik 80 postutan bakarrik izango baita euskara eskakizun: %8. Sindikatuen mahaian, CCOOk begi onez hartu zuen proposamena, baina ELAk eta LABek abstentziora jo zuten, euskarazko lanpostu kopurua nahikoa ez dela iritzita.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 29an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan bost pertsona hil dira COVID-19 gaitzaren eraginez, hamabi positibo atzeman dituzte PCR probekin, eta hiru gaixo ospitaleratu dituzte. Euskal Herrian 29.287 gaixok eman dute positibo guztira, koronabirusa atzemateko probaren bat eginda. Horietatik 2.066 hil dira. Grafikoak, albiste barruan.

Iñigo Urkullu eta Nekane Murga, goizeko bileran. ©/ Irekia

Ekainaren 8an hirugarren fasera igarotzeko eskatuko du bihar Jaurlaritzak

Jon O. Urain

Nafarroako Gobernuak «oso balorazio positiboa» egin du erkidegoek konfinamendua leuntzeko hirugarren fasea kudeatzeko aukeraz.

Aitor Esteban eta Salvador Illa, Kongresuan. / ©Ballesteros, EFE

Erkidegoek kudeatuko dute hirugarren fasea

Jon Ordoñez Garmendia

Alarma egoera luzatzeko akordioa egin dute Espainiako Gobernuak eta EAJk, eta horren truke Urkulluk eta Txibitek hartu, kendu, moldatu eta ezarriko dituzte alarma egoeratik ateratzeko neurriak hirugarren fasean Hego Euskal Herrian. ERCrekin ere egin du akordioa Madrilek. Jaurlaritzak bihar eskatuko du ekainaren 8an hirugarren fasean sartzea.

 ©BERRIA

Kulturgintza: eutsi ala hautsi

Iñigo Astiz

Koronabirusaren hedapenak ziurgabetasun handia eragin du aurrez ere prekaritateak gogor jotako sektore batean: kulturgintzan. Sorkuntza ere krisi honi aurre egiteko moduan dagoen jakiteko, lau sortzaile elkarteren zuzendaritzako kideak bildu ditu BERRIAk: Eneritz Artetxe (Ehaze), Garbiñe Ubeda (Euskal Idazleen Elkartea), Aitor Bengoetxea (Musika Bulegoa) eta Igor Elortza (Euskal Herriko Bertsozale Elkartea).

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna