Noiz sortua: 2019-01-30 00:30:00

KRITIKA. Antzerkia

Käffka eremuak

Agus Perez -

2019ko urtarrilak 30

'Käffka'

Konpainia: Kamikaz kolektiboa. Testuak, zuzendaritza eta jantziak: Amancay Gaztañaga, Erika Olaizola, Miren Gaztañaga. Musika: Paula Olaz. Antzezleak: Edurne Azkarate, Iraia Elias, Oier Guillan, Mikel Ibarguren, Amaia Irazabal. Lekua: Bilboko Pabellon 6 aretoa. Eguna: Urtarrilak 27.

Käffka eremuetan bizi dira 2049. urteko nerabeak, emoziorik gabeko gizarteak ezin duelako beren aldarteak eta pasio menderaezinak toleratu. Horrelako zentro batean ezagutuko dira Lirian eta Orion, eta elkarrekin bilatuko dute beren bizitzeko eta nahietarako bidea.

Gehitu eta Ortzadar LGTB elkarteen enkarguz sortu du Kamikaz kolektiboak lan hau. Ikusleak kokatzearren, esan beharra dago bihotzak eta tripak umore basatiz astintzen dabilen Agur eta Dolore hori eurena ere badela —Ttak! kolektiboarekin sortu zuten—, eta, printzipioz, oraingo hau nerabe eta gaztetxoei zuzenduta dagoela. Hala ere, aretoa leporaino bete duten ikusle helduek eta askoz gazteagoek gozamen handia hartu dute egiaren bilaketaz, bizitza librearen abenturaz eta sexu berekoen amodioaz hitz egiten duen lan suabe, baikor eta aurreratu honekin.

Robot itxurarekin agertu dira Käffka eremuko zaindariak hasiera batean, eta hori izan da proposamenaren lehen tanto nagusia, arroparen diseinu orokorrak berdin balio izan duelako irakasle zein ikasleentzat, eta nolabaiteko informaltasuna gehitu diolako uniformeen ukitu futuristari. Bestetik, robot zaindarien itxurak aipamen berezia merezi du, sukaldeko tresnekin egindako apaindura eta gauzengatik. Argien diseinua ere izan da erabakigarria ikusleak lehen eszenatik etorkizunera bidaltzeko; gero ere, fokuen koloreak eta intentsitatea emozioen bideragarri izan dira, bereziki bi neskek beren arteko maitasuna onartu dutenean eta amaierako eszena hunkigarrian.

Batere artifiziorik gabe, dena gertatu da ikusleen aurrean, zintzotasuna nagusi, horixe eskertzen dutelako lan honek xede dituen ikusleek. Eskailera metaliko bat eta haren osagarriak izan dira elementu eszeniko ia bakarrak, eta haiekin eratu dira argumentuak behar zituen egoerak. Beste elementu nagusia kinkilari misteriotsuaren orgatxoa izan da —egurrezkoa, kasurako—, saltzaile itsuak aspaldiko gauzak erakusten dizkielako harengana hurbiltzen ausartzen direnei. Musu-truk eman ere, parabola askotan bezala, jende arruntak baino askoz hobeto ikusten duelako. Eta, bide batez esanda, zein ausart eta dibertigarria Andoni Ikurrinak delakoari emandako rola!

Pertsonaien aldaketa ugariak ere ia agerian gauzatu dira, ikusleen konplizitatearen laguntzaz, eta ederto zaindu da lan osoaren erritmo sostengatua. Eta gero pertsonaiak daude; oso pertsonaia sinesgarriak eta politak, batez ere nagusiak irudikatzen dituztenak: kinkilari misteriotsua, Käffka eremuko andereño arduraduna, kanpotik etorritako ikuskari beldurgarria.... Amaitzeko, azpimarratzekoa da emanaldiari ez dariola inolako gurasokeriarik, horixe baita nerabeek helduengandik onartuko luketen azken gauza.

Albiste gehiago

Apirilaren 2an eguneratua, 13:00etan. ©BERRIA

Koronabirusaren azken datuak

Berria

Euskal Herrian 10.022 gaixok eman dute positibo koronabirusaren proba eginda. 555 hil dira. COVID-19 gaitza izandako 2.459 pertsonari eman diete alta. Grafikoak, albiste barruan.

Gizon bat, Zagreben. ©ANTONIO BAT / EFE

Sakelakoen kokapena jasoko du Madrilek

Berria

Telefonica, Orange eta Vodafone konpainiek euren sareak erabiltzen dituzten sakelakoak non dauden kontrolatuko dute, eta informazioa Madrilgo Gobernuari emango diote. Koronabirusaren aurkako borrokan, populazioaren inguruko mugimenduei buruzko datuak biltzea da asmoa, Madrilen arabera, eta gaineratu duenez, ikerketak ez ditu “gizabanakoen mugimenduak atzemango”, baizik eta datu “anonimoak eta multzoka”.

Donostiako ospitaleko langile batzuk, mobilizazio batean ©Jon Urbe (Foku)

Osasuna bermatzen ez duten enpresak, fiskaltzara

Jokin Sagarzazu

LABek langileen kexak igorriko dizkio, zigor instrukzioko prozesuak ireki ditzan eskatzeko. Ohartarazi du oinarrizko zerbitzu batzuetan «kolapso egoeran» daudela. Materiala bermatzeko eskatu dio ELAk EAEko Auzitegi Nagusiari.

Murga, Urkullu eta Beltran de Heredia, diputazio iraunkorrean telematikoki azalpenak ematen. ©/ Irekia

Urkulluk esan du «neurri zorrotzak» hartu dituztela; oposizioak, berriz, «gardentasun falta» salatu du

Irati Urdalleta Lete

Iñigo Urkullu lehendakariak azalpenak eman ditu Eusko Legebiltzarreko diputazio iraunkorreko bilkuran, EH Bilduk hala eskatuta

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna