Albistea entzun

Faxistek Durango bonbardatu zutenetik 83 urte igaro direla oroitu dute

Unai Iturriagak idatzitako testu baten pasarteak irakurri dituzte herriko eragileek, eta bideo bat osatu dute. Ez da ekitaldi publikorik egon
Su txikia piztuta, atzo, Andra Maria baselizaren elizpean.
Su txikia piztuta, atzo, Andra Maria baselizaren elizpean. DURANGOKO UDALA Tamaina handiagoan ikusi

Igor Susaeta -

2020ko apirilak 1

Faxistek herria bonbardatu zutela oroitu dute, urtero bezala, Durangon (Bizkaia). Atzoko egunez gertatu zen, duela 83 urte. Eta, hori gogoratzeko, ohi bezala, Uribarriko Andra Mari baselizako kanpaiak jo zituzten, eta su bat piztu zuten elizpean. Bonbardaketan hildako 336 pertsonak omentzeko urtero Durangon egiten dituzten ekitaldiek ordezkaritza instituzional zabala bildu ohi dute, baina atzo, koronabirusaren krisiarengatik Espainiako Gobernuak ezarritako itxialdia dela eta, ez zuten ekitaldi publikorik egin. Horren ordez, Unai Iturriaga bertsolari eta komikigile durangarrak idatzitako testu baten pasarteak irakurri zituzten herriko eragileek eta udaleko ordezkariek. Irakurraldi hori bideo batean jaso eta zabaldu dute.

«Hiru aldiz bonbardatuak izan ginen». Horrela hasten da Iturriagaren testua, eta hiru zatitan banatu du. «Heriotza» da lehen kontzeptua. «Isilik dagoen kanpaiaren durundiak luze irauten du». Modu horretan bukatu du. Bigarren pasartearen kontzeptua «gezurra» da, eta, esate baterako, ondokoa jaso du zati horretan: «'Durango gorriek bonbardatu zuten', entzun du eskolaumeak. Bera han zegoen eta badaki ez zela horrela izan, baina maisuaren egurrezko erregelak ez daki historiaz», idatzi du Iturriagak. Eta hirugarren ideia «ukazioa» da. «Zergatik ihesi iristen dira Europako ateetara ehunka lagun, ezpada gure uriaren gainean jausi ziren bonben antzekoengandik ihesi?», galdetzen du Iturriagak bere testuan.

Sakelakoaren bidez

1937ko martxoaren 31n, goizean, ordura arte ezezaguna zen eraso mota abiarazi zuten Italiako Aviazione Legionariako hegazkinek. Espainiako Errepublikaren aurka matxinatutako militarren agindupean, hegazkin italiarrek Elorrio eta Durango bonbardatu zituzten, eta zibilen aurkako lehen airezko erasoa egin.

Orduan gertatutakoa oroitzeko, alarmek jotzen dute Durangon, baina hori ere bertan behera utzi behar izan dute aurtengoan, enpresa batek, koronabirusa dela medio, ezin izan dituelako jarri horretarako beharrezko gailuak. Hainbat herritarrek sakelakoaren bidez erreproduzitu zuten.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Elhadji Ndiaye omentzeko ekitaldia, Iruñeko Arrotxapea auzoan, iaz. ©JESUS DIGES / EFE

ESPALOIAN ITOTAKO BIZITZA

Ion Orzaiz

Duela bost urte, 2016ko urriaren 25ean, Elhadji Ndiaye senegaldarra zendu zen, Espainiako Poliziaren zaintzapean, Iruñean. Atxiloketa bortitz baten ostean konfirmatu zuten hila zela. Poliziaren jokabide arrazisten ondorio dela uste dute Ndiayeren lagunek eta gobernuz kanpoko erakundeek.
Egonkorrak bilakatu dira Ipar eta Hego Euskal Herriaren artean Frantziako indar armatuek egiten dituzten kontrolak. ©BOB EDME

Sistemaren belauna lepoan

Oihana Teyseyre Koskarat - Jone Arruabarrena - Ion Orzaiz -Javi West Larrañaga

Migratzaileen aurkako jazarpena fenomeno orokortua da Euskal Herrian. Adituek eta gobernuz kanpoko erakundeek salatu dute Poliziak «sistematikoki» erabiltzen duela bortxa pertsona arrazializatuen aurka.
 ©BERRIA

«Polizia, nahitaez, giltzarri da gizarte arrazista iraunarazteko»

Maite Asensio Lozano

Segurtasunaren zein mehatxuen inguruan zabaltzen diren ideiak «eraikuntza politikotzat» dauzka Douhaibik; horrekin lotu ditu kolektibo arrazializatuen aurkako kriminalizazioa eta jazarpen poliziala.
 ©BERRIA

«Behartu nahi gaituzte Poliziaren aurrean behera begiratzera»

Ion Orzaiz

Modou Faye, 'Beltxa'. Senegal atzean utzita, Iruñera iritsi zen duela urte asko. Paperak ditu orain, Africa United elkarteko burua da, baina horrek ez du Poliziaren jazarpenetik libratu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.