Nafarroan apiriletik da indarrean Klima Aldaketarako eta Energia Trantsiziorako Lege proiektua. Ekainean kanpaina bat egin zuen gobernuak, ardatzak erdigunean jarri eta zabaltzeko: energia eraginkortasuna, ekonomia zirkularra, landa eremua sustatzea, biodibertsitateari eustea eta kudeatzea, energia berriztagarriak eta mugikortasun jasangarria.
Ekologistak Martxan taldeakaztertu du legea, eta salatu du «duela 30 urteko errealitate bati» erantzuten diola batez ere. Salatu du, gainera, egun Nafarroan martxan diren zenbait proiektuk eta azpiegiturak zuzenean eragiten diotela klima aldaketari, eta Nafarroako Gobernuak ez duela horien inguruan atzera egiteko asmorik.
Klimaren Aldeko Nafarroako Aliantzak eta Sustrai Erakuntza fundazioak ere erdigunean jarri dituzte administrazioaren «kontraesan» horiek, eta kritikatu dituzte, bertzeak bertze, abiadura handiko trenaren proiektua, Esako urtegia handitzeko lanak eta Zangoza inguruan egin nahi duten Muga meategiaren proiektua.
Energia berriztagarrien arloan ere zer aztertu badela uste dute talde ekologistek. Nafarroako Parlamentuak onartutako legeak energia berriztagarrien aldeko apustu garbia egiten du. Ekologistek ere ontzat jotzen dute, baina ez herrialdean mahai gainean dauden zenbait proiektuk planteatzen dituzten bezala. Proiektu erraldoiak txarretsi dituzte.
Lege baten kontraesanak
Nafarroak martxoan onartu zuen Klima Aldaketarako eta Energia Trantsiziorako Legea. Ekologistek ontzat jo dute legea, baina salatu dute AHT eta Esaren proiektuei eustea.
Iruzkinak
Ez dago iruzkinik
Ordenatu
