Albistea entzun

KATE MOTZEAN

Berria -

2017ko maiatzak 2

Aurkari bat? Ezin dut bat aukeratu: Irujo, Aimar, Oinatz… Belaunaldi berria… Tira, atzelariak esango dizkizut: Rezusta, Zabaleta... Txikitatik asko gustatu zaidan beste bat, Aitor Elkoro.

Kide bat: Irujo. Garai txar asko pasatu ditugu elkarrekin.

Pilotaleku bat: Labrit.

Zer zor diozu pilotari? Dena.

Eta pilotak zuri? Ezer ez.

Partida bat? Iazko binakakoan Ezkurdiak eta biok Olaizola II.a-Urrutikoetxeari irabazitakoa.

Zein izan da ibilbideko unerik politena? Lesio batetik atera osteko lehen partida.

Pilota profesionalak duen gauzarik onena? Asko ikasten dela: bizi eskola bat da.

Txarrena? Lotua dela. Maite duzun jendearekin egoteko denbora gutxi duzu, eta, horregatik, garrantzitsua da inguruak zurekin pazientzia izatea.

Tabernan sartu, eta jendea begira duzu. Nola bizi izan duzu? Ez pentsa, Iruñean-eta ez da halakorik gertatzen.

Jadanik ez... «Ah, baina oraindik pilotan jokatzen duzu!», kar-kar-kar! Polita da. Txikitan hori nahi izaten zenuen. Nik noizbait autograforik emango al dut? Ondo dago oroitzea txikitan gustatzen zitzaizula.

Autografoak gurasoentzat eskatuko dizkizute orain, «amamaren kutuna zara...». Kar-kar… denetarik dago. Belaunaldi bakoitzak bere gustuko pilotariak ditu. Txikiek Altuna-eta nahi dituzte, eta guri begiratzen digute, «nor da hori?», pentsatzen bezala. Egia da zale gehiago ditudala helduen artean.

Ba al da dopinik pilotan? Ni ez naiz inoiz dopatu, eta finalerdi eta finaletan gure kontrolak pasatu ditugu. Nire adiskideengatik eskua sutan jarriko nuke eurak ere ez direla dopatu.

Pilotari ez bazina? Beste kirol bateko jokalari, edo mendiarekin harremana duen lanen batean.

Seme edo alabaren batek pilotari izan nahi badu? Babestuko dut, baina ito gabe. Hori nire gurasoengatik ikasi dut. Nire aitak eta nire amak pilotaren inguruko aholkurik ez didate eman, bizitzarako bai. Uste zuten barrutik irteten zitzaidan zerbait zela, eta zein aholku emango diozu semeari pasioz bizi badu? Baina, hori bai, beti alboan izan nituen.

Igandean dantzatuko al diezu zuk aurreskurik zaleei? Ez, ez… dantzari izan nintzen, trikitilaria… Bertsotan egitea falta izan zitzaidan. Hori egin izan banu, euskalduna %100 [barrez].

Hunkituko al zara? Bai! Asko. Hau maite dut, eta uztea ez da erraza. Baina polita izango da, txikitatik zurekin egon den jende hori han egongo da, benetako lagun diren horiek.

Ona da hunkitzea, ez da erreprimitu behar. Aste hauetan negar asko egin dut. Konturatzen zara zein zorte izan duzun, eta zuk adina lan egin baina iritsi ez direnekin oroitzen zara. Familiarekin oroitzen zara, lagunekin, txikitatik lagundu zaituzten guztiekin… Dena eman dizutenak ezeren truke. Bakarreko isiltasunean horiek guztiak etortzen zaizkizu burura, eta askotan hunkitu naiz.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Orioko arraunlariak pozarren, atzo irabazi izana ospatzen, Bilboko ibai bazterrean. ©ARITZ LOIOLA / FOKU

Isil-isilik dago Orio lanean

Aitor Manterola Garate

Oriok irabazi du Eusko Label ligako aurreneko estropada Bilbon, erlojuaren aurka. Denbora onena egiten ari zen Donostiarra kateatu egin da bigarren ziabogan. Urdaibai faboritoa bosgarren izan da
Andrea Astudillo patroia eta Xubane Uribarrena arraunlaria zutik atzo Bilbon, Arraun Lagunaken garaipena ospatzen hasita taldekideekin. ©ARITZ LOIOLA / FOKU

Arraun Lagunak-ek indarra hartu du Euskotren ligako aurrenekoa irabaziz

A. Manterola Garate

Erlojuaren aurkako estropadan azkarrena izan da, Bilbon. Oriori bost segundo atera dizkio
Aitor Fernandez. ©DOMENECH CASTELLO / EFE
Fabio Jakobsen, atzo lortutako garaipena ospatzen. ©TIM KILDEBORG JENSEN / EFE

Zalantzak aurrenekoan argitu ditu

Beñat Mujika Telleria

Jakobsenek irabazi du Frantziako Tourreko bigarren etapa, esprintean. Van Aert lider jarri da, eta tentsioa izan da tropelean

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.