Txema Areizaga gogoratuko dute gaurko galan

Euskal Zinemaren Gala egingo dute gaur gauean Donostiako Viktoria Eugenia antzokian, eta, bertan, Zinemira saria emango diote Txema Areizaga elektrikari buru zenari, in memoriam. Zinemaldiak eta ekoizleen elkarteek teknikarien kolektiboari omenaldia egitea erabaki dute, eta Areizagak ordezkatuko du talde hori. Areizagak Argilun Iluminación enpresan lan egin zuen, eta Antton Ezeizaren Ke arteko egunak filmarekin (1989) hasi zuen bere ibilbidea zineman. Loreak, Amama, Oreina, Nora, Soinujolearen semea, Irati filmetan eta Euskal Herriko beste ekoizpen ugaritan parte hartu zuen. ETB1 kateak zuzenean emango du ekitaldia, 22:30ean.