Albistea entzun

ERREZETA

Orburuak urdaiazpiko eta arrautza galdarraztatuekin

JON URBE / ARGAZKI PRESS

Iker Markinez - Kuko jatetxea, Ormaiztegi

2017ko martxoak 25

osagaiak

4 LAGUNENTZAT

12 orburu.

100 gr urdaiazpiko.

4 arrautza.

Oliba olioa.

Gatza.

Irina.

Ozpina.

1. Lapiko handi batean, ura erdira arte bete, bi koilarakada irin gehitu, eta ondo nahastu.

2. Gatz pitin bat bota, eta sutan jarri, irakin arte.

3. Bitartean, orburuak zuritu, txortena moztu gabe zuritu. Orburuaren punta moztu, pare bat zentimetro zabal.

4. Ondoren, ur irakinetan sartu, eta irakin hogei bat minutuz. Gorde.

5. Beste lapiko zabal batean, zorrotada bat oliba olio bota, eta, han, laukitxoetan moztutako urdaizpikoa jarri erregosten, minutu batez.

6. Jarraian, orburuak egosi ditugun saldaren pare bat kazokada gehitu. Baita orburuak erditik moztuak ere. Guztia bost minutuz irakin, su motelean.

7. Bitartean, lapiko txiki batean, ura eta zorrotada bat ozpin berotzen jarri, irakin arte.

8. Ondoren, arrautza bat hartu, ireki eta zuzenean uretara bota, zartaginean frijituko bagenu bezala.

9. Pare bat minutu pasatu ondoren, arrautza zuritu egin dela ikusiko dugu; orduan, ontzi batera aterako dugu. Pauso berberei jarraitu gainontzeko arrautzekin.

10. Bukatzeko, arrautzak orburuak ditugun lapikoan jarri, eta, osagai guztiak beroak daudenean, janari goxo hau prest daukagu zerbitzatzeko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©BERRIA

«Ibarruri oso harro sentitu zen beti bere euskal erroez»

Amaia Igartua Aristondo

Dolores Ibarruri 'Pasionaria'-ren biografia bat argitaratu berri du, haren artxibo pertsonalean oinarritutakoa: 'No pasarán'. XX. mendearen zati handi bat zeharkatzen du bizkaitarraren bizitzak.
EPICA ikerketan 2.872 metroko sakoneratik ateratako izotz lagina, 2002-2003an. ©LAURENT AUGUSTIN/CNRS PHOTOTHQUE

Izotzik zaharrena nahi dute

Jakes Goikoetxea

Beyond EPICA ikerketa proiektua Antartikan lanean ari da, izotza zulatu eta duela 1,5 milioi urtera arteko izotz lagina ateratzeko. Laginari esker, klimaren bilakaera ezagut dezakete.

Andres Urrutia euskaltzainburua eta Gaizka Aranguren kazetaria, <em>Ezina ekinez egina</em> saioan. ©BERRIA

Euskararen historiari buruzko saioa gaur ETB1en: 'Ezina ekinez egina'

Enekoitz Telleria Sarriegi

Gaizka Arangurenek aurkeztuko du. EITBk bat egingo du Euskararen Nazioarteko Egunarekin

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.