Noiz sortua: 2015-01-09 00:30:00

Atentatua Parisen. Polizia operazioa Frantzia iparraldean

Batasun nazionalerako deia, eta manifestazioa igandean

Atentatuan hildakoen aldeko martxa egingo dute Parisen.

FNri tokia egin edo ez zalantza dago, eta «maniobra doilorra» salatu du Le Penek
<em>Charlie Hebdo</em>-ri elkartasuna adierazteko egoitza aurrean eginiko elkarretaratzea, Parisen.
Charlie Hebdo-ri elkartasuna adierazteko egoitza aurrean eginiko elkarretaratzea, Parisen. I. LANGSDON / EFE

Xabin Makazaga -

2015eko urtarrilak 9

Atzo eguerdian, Charli Hebdo aldizkari satirikoaren kontrako atentatuan hildakoen omenezko dolu egunean, minutu bateko isilunean egin zuten Frantzia osoan eta munduko hainbat hiritan, eta errepublikako agintariek «batasun nazionalaren» aldeko deia egin zuten. François Hollande presidenteak UMPko presidente Nicolas Sarkozy eta PS, UDI, PCF eta Alderdi Ekologistako buruzagiak nahiz Asanblea Nazionaleko eta Senatuko presidenteak hartu zituen Eliseoan. Marine Le Pen FN alderdi ultraeskuindarreko buruarekin eta ordezkaritza parlamentariorik ez duten indarrekin gaur bilduko da Hollande.

Batasun nazionala igandean Parisen egingo duten manifestazio batekin irudikatu nahi dute, baina ezkerreko eta zentroko indarrek antolatutako elkarretaratze horrek eztabaida bizia eragin du, FN konbidatuko dutenentz ez baitago argi. PS barruan aldeko eta kontrako iritziak izan dira, eta Manuel Valls lehen ministroak ez zuen erantzun argirik eman, FN baztertuko ote duten galdetuta: «Batasun nazionala lehenetsi behar dugu, eta hor ezin da bazterketarik izan. Baina batasun nazionala baloreak ere badira, sustrai errepublikano sakonekoak: tolerantzia, eta nahasteari ukoa». Ezkerreko Frontetik UMPra, alderdi nagusiek baieztatu dute Parisen Errepublikaren plaza eta Nazioaren plaza lotuko dituen manifestazioan izango direla.

FN Martxa errepublikarretik baztertua izateko aukeraren aurrean, «maniobra politiko doilorra» salatu du Le Penek. Oraindik ez baitute konbidapenik jaso, berak ez duela «batasun nazional horretan» sartzea eskatu nabarmendu du Le Penek, baina hor izateko baldintza «ahoa ixtea» ezin dela izan erantsi du.

«Txantajearen aurrean» ez duela men egingo azpimarratu du FNko buruzagiak: «Hori guztia, gaur egun bizi dugun egoerari buruz inolako erantzukizunik ez daukan mugimendu politiko bakarra eta bere milioika hautesleak baztertzeko saio bat da. Beste alderdi guztiak beldurrak akabatzen daude». Konbidatzen ez badute, ez duela egoera behartuko argitu du Le Penek: «Amarru zahar bat da. Istiluren bat izanez gero, bestela, errua nirea dela esango lukete».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Udaletako eta Eusko Jaurlaritzako ordezkariak, Zumarragan bilduta. ©/ Ordiziako Udala

Ordiziako fokuan 35 pertsona kutsatu dira oraingoz, eta alkateak «autokonfinatzeko» eskatu du

Irati Urdalleta Lete - Jon Ordoñez Garmendia

Beste hemeretzi positibo daudela jakinarazi du Osasun Sailak, eta dagoeneko mila PCR baino gehiagoren emaitzak jaso dituzte. Alkateak "kutsatze komunitario bat" dagoela esan du.Murgak baztertu egin du konfinamendua ezartzea, baita joan-etorriak mugatzea ere. Itxi zituzten Haka, Miami eta Kebab tabernetako zerbitzariek negatibo eman dute. Biharko azoka bertan behera utzi du Udalak, eta kiroldegia, jolas parkeak eta liburutegia itxi ditu.

Jair Bolsonaro. ©Joedson Alves / EFE

Bolsonarok positibo eman du COVID-19an

Oihane Puertas Ramirez

«Bikain» dagoela adierazi du Brasilgo presidenteak. Hura izan da COVID-19aren eragina ukatu izan duten agintarietako bat, eta horrek ekarri du Brasil herrialde kutsatuenetako bat izatea.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna